বিএমডব্লিউৱে খুন্দা মাৰিলে ৱেগানাৰক! ফুটপাথত শুই থকা ২ শিশুৰ কৰুণ মৃত্যু,৮জন আহত

স্নাতক হোৱাৰ পিছত তেওঁ নয়ডাত Sanya Exports নামৰ এপাৰেল কোম্পানী এটা চলায় আছে। আৰক্ষীয়ে তেওঁৰ বিএমডব্লিউ গাড়ীখন জব্দ কৰিছে। দিল্লীৰ পৰা নয়দালৈ ২০০ৰো অধিক চিচিটিভি ফুটেজ স্কেন কৰি আৰক্ষীয়ে অভিযুক্তৰ কাষ চাপিছে। দক্ষিণ-পূব জিলাৰ ডিচিপি ঈশা পাণ্ডেৰ মতে, নিজামুদ্দিন আৰক্ষী থানাত যোৱা ১০ জুনত লোধি ৰোড ফ্লাইঅভাৰৰ তলত গাড়ীখনে ২-৩জন লোকক খুন্দা মৰাৰ তথ্য লাভ কৰিছিল। তথ্যৰ পিছতে এ এছ আই প্ৰবীণ কুমাৰ উপস্থিত হয়। আৰক্ষীয়ে সেই স্থানত উপস্থিত হোৱাৰ লগে লগে গম পোৱা যায় যে লোধি ৰোড ফ্লাইঅভাৰৰ তলৰ ফুটপাথত শুই থকা লোকসকলৰ ওপৰত ৱেগানাৰ গাড়ীখন ওলোটা হৈ পৰিছিল। ইয়াৰ ফলত ৱেগানাৰ গাড়ীখনত থকা আৰু তাত শুই থকা মুঠ ৮ জন লোক আহত হয়। আন দুজন আহত জাহাংগীৰপুৰী বাসিন্দা ৰোষ্ণী (৬) আৰু তেওঁৰ ভাতৃ আমিৰ (১০)ৰ চিকিৎসালয়ত মৃত্যু হয়। 

ৱেগানাৰ গাড়ীখনৰ চালক যতীন কিশোৰ শৰ্মাৰ এজাহাৰক লৈ আৰক্ষীয়ে গোচৰ ৰুজু কৰে। তেওঁ ক’লে যে তেওঁৰ গাড়ীখনত ক’লা ৰঙৰ গাড়ী এখনে খুন্দা মাৰে। ইয়াৰ বাবেই তাত শুই থকা লোকসকলৰ ওপৰত ওলোটা হৈ পৰে ৱেগানাৰখন। এটা গোচৰ পঞ্জীয়ন কৰি নিজামুদ্দিন আৰক্ষী চকীৰ মুৰব্বী কিশোৰ কুমাৰ ৰেৱালাৰ দলে তদন্ত আৰম্ভ কৰে। ঘটনা সংঘটিত হোৱা ফ্লাইঅভাৰৰ ওচৰত স্থাপন কৰা চিচিটিভি কেমেৰাবোৰ বন্ধ হৈ আছিল। ওচৰতে স্থাপন কৰা প্ৰায় ২০০টা চিচিটিভি কেমেৰাৰ ফুটেজ চাই আৰক্ষীয়ে তদন্ত কৰে। 

অৱশেষত মহাৰাণী বাগ, নিউ ফ্ৰেণ্ডছ কলনী, চি এছ আই আৰ বিল্ডিং আৰু ৰিং ৰোডত স্থাপন কৰা চি চি টি ভি কেমেৰাৰ সহায়ত বি এম ডব্লিউৰ মালিক কৃষ্ণ নগৰৰ বাসিন্দা সুৰেন্দ্ৰ কুমাৰৰ ওচৰ পালেগৈ। সুৰেন্দ্ৰ কুমাৰে জনোৱা মতে, তেওঁ নয়ডাৰ ছেক্টৰ-৬৩ত সেৱাৰ বাবে তেওঁৰ ভতিজা চাহিলক গাড়ীখন দিছিল। ইয়াৰ পিছতে আৰক্ষীৰ দলটোৱে নিৰ্মাণ বিহাৰত অৱস্থিত ঘৰৰ পৰা চাহিলক গ্ৰেপ্তাৰ কৰে।