ডিজিটেল ডেস্কঃ বৰ্তমান সময়ত ছ’চিয়েল মিডিয়াত বিভিন্ন ধৰণৰ ভিডিঅ’ ভাইৰেল হৈ থাকে। যি দেখিলে আপুনি হাঁহে, কান্দে বা আৱেগিক হৈ পৰে। আনকি কিছুমান ভিডিঅ’ই আমাক আচৰিতো কৰি তুলে। শেহতীয়াকৈ ছ’চিয়েল মিডিয়াত এটা ভিডিঅ’ ভাইৰেল হৈছে যি ভিডিঅ’ই যথেষ্ট চৰ্চা লাভ কৰিছে। যান-জঁটৰ নিয়ম অনুসৰি বাইকত যদি দুজনতকৈ অধিক উঠে তেন্তে ট্ৰেফিক পুলিচে চালান কাটি দিয়ে কিন্তু কিছুমান মানুহে নিয়ম ভংগ কৰিবলৈ অলপো চিন্তা নকৰে। দুই তিনিজন বা ততোধিক লোকে বাইকত ঘূৰি ফুৰে আৰু ধৰা পৰিলে জৰিমনা ভৰিবলগীয়া হয়।
যদিও নিয়ম উলংঘা কৰাৰ বাবে কাৰাদণ্ডৰ শাস্তিও আছে তথাপিও কিন্তু অসাৱধান জনসাধাৰণৰ বাবে ইয়াৰ কোনো গুৰুত্ব নাই। ইণ্টাৰনেটত ভাইৰেল হৈ আছে এটা ভিডিঅ’। সেই ভিডিঅ’ত দেখা গৈছে এজন ব্যক্তিয়ে বাইক চলাবলৈ প্ৰস্তুত হৈছে য’ত তিনি-চাৰি নহয় সাতজনকৈ লোক বহিছে। হয়, আমি ধেমালি কৰা নাই। এইটো একেবাৰে সঁচা কথা। কোনোবাই ইয়াৰ ভিডিঅ’ বনাই ছ’চিয়েল মিডিয়াত প’ষ্ট কৰিছিল, যিটো এতিয়া তীব্ৰ গতিত ভাইৰেল হৈ পৰিছে।
ভাইৰেল হৈ থকা ভিডিঅ’টোত দেখা গৈছে যে প্ৰথমে এজন ব্যক্তিয়ে তেওঁৰ বাইকত বহি তেওঁৰ সন্মুখত দুটা শিশুক বহাই দিয়ে। ইয়াৰ পিছত মানুহজনৰ পিছফালে এগৰাকী মহিলা বহে আৰু তেওঁৰ কোলাত এজন শিশুও বহি থাকে। ইয়াৰ পিছত আন এগৰাকী মহিলাই বাইকৰ পিছফালে বহি এটা শিশুক কোলাত লৈ যায়। অৰ্থাৎ বাইকখনত মুঠ ৭ জন লোক বহি আছে, ৪ জন শিশু, ২গৰাকী মহিলা আৰু এজন পুৰুষ। যি জনে এই ভিডিঅ’টো শ্বেয়াৰ কৰিছিল তেওঁ সকলোকে এনে নকৰিবলৈ অনুৰোধ কৰিছিল। এনেদৰে বাইক চলালে কেৱল চালকজনৰেই নহয়, ইয়াত বহি থকা সকলো মানুহৰ জীৱন বিপদত পৰাৰ যথেষ্ট সম্ভাৱনা থাকে। ভিডিঅ’টো ইনষ্টাগ্ৰামত শ্বেয়াৰ কৰিছে theadulthumour নামৰ এটা একাউণ্টে।
Continue Reading
