ডিজিটেল ডেস্কঃ ২০১৯-২০ চনৰ পৰা ২০২৩-২৪ চনলৈ ছপা মাধ্যমত আঁচনিসমূহ প্ৰচাৰৰ বাবে কেন্দ্ৰীয় যোগাযোগ ব্যুৰোৰ জৰিয়তে ৯৬৭.৪৬ কোটি টকা ব্যয় কৰা হৈছে। মঙলবাৰে কেন্দ্ৰীয় চৰকাৰে প্ৰকাশ কৰে।
এনডিটিভিৰ তথ্য অনুসৰি লোকসভাত তথ্য আৰু সম্প্ৰচাৰ মন্ত্ৰী অনুৰাগ ঠাকুৰে লিখিত উত্তৰত কয় যে ছপা মাধ্যমৰ বিজ্ঞাপন নীতি- ২০২০ অনুসৰি কেন্দ্ৰীয় যোগাযোগ ব্যুৰোৱে ছপা মাধ্যমৰ জৰিয়তে সজাগতা/প্ৰচাৰ অভিযান জাৰি কৰে।
ঠাকুৰে কয়, ‘২০১৯-২০ চনৰ পৰা ২০২৩-২৪ চনলৈ (১২.১২.২০২৩ পৰ্যন্ত) ভাৰত চৰকাৰৰ আঁচনি আৰু কাৰ্যসূচী সন্দৰ্ভত ছপা মাধ্যমৰ জৰিয়তে সজাগতা/প্ৰচাৰ অভিযানৰ বাবে তথ্য আৰু সম্প্ৰচাৰ মন্ত্ৰালয়ৰ অধীনত চিবিচিয়ে কৰা ব্যয়ৰ পৰিমাণ ৯৬৭.৪৬ কোটি টকা।’’
তেওঁ কয় যে ২০১৯ চনৰ ৩১ মাৰ্চ পৰ্যন্ত ভাৰতৰ বাতৰি কাকতৰ পঞ্জীয়কৰ ওচৰত কাকতকে ধৰি ১,১৯,৯৯৫ খন আলোচনী পঞ্জীয়ন কৰা হৈছে। ২০২০ চনত এই সংখ্যা হ’ব ১,৪৩,৪২৩; ২০২১ চনত ১,৪৪,৫২০; ২০২২ চনত ১,৪৬,০৪৫ আৰু ২০২৩ চনত ১,৪৮,৩৬৩।
Continue Reading
