ডিজিটেল ডেস্কঃ বিগত তিনি বছৰত প্ৰধানমন্ত্ৰীৰ নাগৰিক সাহায্য আৰু জৰুৰীকালীন সাহায্য পুঁজি (পি এম কেয়াৰছ ফাণ্ড)য়ে বিদেশী অনুদান হিচাপে ৫৩৫ কোটিৰো অধিক ধন লাভ কৰিবলৈ সক্ষম হৈছে। চৰকাৰী তথ্য অনুসৰি বিগত তিনি বছৰত পি এম কেয়াৰছ ফাণ্ডে মুঠ ৫৩৫.৪৪ কোটি টকা বিদেশী ৰেমিটেন্স লাভ কৰিছে।
চৰকাৰী তথ্য অনুসৰি, ২০১৯-২০ বিত্তীয় বৰ্ষত লাভ কৰা বিদেশী বৰঙণিৰ মূল্য বছৰি ০.৪০ কোটি টকা। ২০২০-২০২১ চনত ই ৪৯৪.৯২ কোটি টকালৈ বৃদ্ধি পায়। আনহাতে, ২০২১-২০২২ বিত্তীয় বৰ্ষত ৪০.১২ কোটি টকালৈ বৃদ্ধি পায়।
পি এম কেয়াৰ ফাণ্ডৰ তথ্য অনুসৰি ২০১৯-২০২২ বৰ্ষৰ তিনি বছৰত বিদেশী অনুদান একাউণ্টৰ পৰা সুতৰ আয় ২৪.৮৫ কোটি টকা। এই অনুদান ২০২০-২০২১ বিত্তীয় বৰ্ষত সৰ্বাধিক।
২০২০ চনত Covid-19 মহামাৰীৰ বিৰুদ্ধে যুঁজিবলৈ আৰম্ভণি কৰা হৈছিল পি এম কেয়াৰ ফাণ্ড। প্ৰধানমন্ত্ৰী মোদীয়ে Covid প্ৰাদুৰ্ভাৱৰ দৰে জৰুৰীকালীন অৱস্থাত অনুদান সংগ্ৰহৰ বাবে এই পুঁজি আৰম্ভ কৰিছিল। এই পুঁজিৰ অধ্যক্ষ আছিল প্ৰধানমন্ত্ৰী মোডী নিজে। অৱশ্যে প্ৰধানমন্ত্ৰীৰ বাহিৰেও এই পুঁজিৰ পৰিষদৰ সদস্যসকল হ’ল গৃহমন্ত্ৰী, প্ৰতিৰক্ষা মন্ত্ৰী, বিত্তমন্ত্ৰী।
পি এম কেয়াৰ্ছ ফাণ্ডৰ ব্যয়ৰ বিৱৰণ অনুসৰি, চৰকাৰী চিকিৎসালয়ত ভেন্টিলেটৰ, প্ৰব্ৰজনকাৰীৰ কল্যাণ, দুখন ৫০০ বিছনাযুক্ত অস্থায়ী কভিড চিকিৎসালয় স্থাপন, কভিড-১৯ৰ ভেকচিন ক্ৰয় আৰু অন্যান্য কভিড সম্পৰ্কীয় জৰুৰীকালীন অৱস্থাৰ বাবে বৃহৎ পৰিমাণৰ ধন ব্যয় কৰা হৈছে।
তথ্য অনুসৰি, ২০২২ চনৰ ৩১ মাৰ্চলৈকে এই পুঁজিত জমা হোৱা ধনৰ পৰিমাণ আছিল ৫৪,১৫৬.৬৫ কোটি টকা।যোৱা তিনি বছৰত পি এম কেয়াৰ্ছ ফাণ্ডে মুঠ ১২,৬৯১.৮২ কোটি টকা অনুদান লাভ কৰিছে।
Continue Reading
