ডিজিটেল ডেস্কঃ বিহাৰত আৱিষ্কাৰ হৈছে সোণৰ ভাণ্ডাৰ। ভাৰতীয় ভূতাত্ত্বিক জৰীপৰ দলে এতিয়ালৈকে মাটিৰ ৩২০ ফুট তলত খনন কৰিছে। ৩০টা বাকচত ভৰোৱা শিলসমূহ লেব টেষ্টিঙৰ বাবে প্ৰেৰণ কৰা হৈছে। বাংকা জিলাৰ কাটৰিয়া ব্লকত দুসপ্তাহ ধৰি জি এছ আইৰ দলটোৱে নিজৰ ‘মিছন গোল্ড’ত নিয়োজিত হৈ আছে। জয়পুৰ থানা এলেকাৰ লক্ৰমা পঞ্চায়তৰ কেৰৱাৰ গাঁৱত সোণৰ সন্ধানত ভাৰতীয় ভূতাত্ত্বিক জৰীপৰ দলটোৱে এই জৰীপ অব্যাহত ৰাখিছে৷
সোণৰ সন্ধানত এতিয়ালৈকে বহু সোণালী আৰু ক’লা শিল উদ্ধাৰ হৈছে। ৩০টা বাকচ ভৰোৱা এইবোৰক অধিক বৈজ্ঞানিক পৰীক্ষাৰ বাবে জি এছ আই লেবলৈ প্ৰেৰণ কৰা হৈছে। প্ৰতিবেদনৰ বাবে অপেক্ষা কৰি আছে জি এছ আইৰ দল। কিন্তু মাটিৰ খননৰ কাম পূৰ্ণগতিত চলি আছে।ঠাৱৰ কৰা হৈছে যে বিহাৰৰ এই মাটিৰ তলত এটা বিশাল সোণৰ ভাণ্ডাৰ লুকাই আছে।
১০০ বছৰ আগতে ইংৰাজেও খনন কৰিছিল। ইয়াৰ চিন এতিয়াও আছে। গাঁৱৰ বয়োজ্যেষ্ঠসকলেও এই কথাৰ নিশ্চিতি প্ৰদান কৰিছে। তেওঁলোকৰ মতে ১০-১৫ ফুটৰ এটা গাঁত তৈয়াৰ কৰা হৈছিল। এতিয়া সেই ঠাইতে জি এছ আইৰ দ্বাৰা খনন কাম চলি আছে। সোণৰ সন্ধান পোৱাৰ খবৰ শুনি গোটেই গাঁওখনতে সুখৰ জোৱাৰ উঠিছে। তেওঁলোকে অনুভৱ কৰে যে সোণ পাই গাঁৱৰ লগতে বিহাৰৰ দিনবোৰো সমৃদ্ধিশালী হ’ব। প্ৰযুক্তিৰ অভাৱত ইংৰাজে ১০০ ফুটৰ তললৈ যাব নোৱাৰিলে। কিন্তু এতিয়া জি এছ আইয়ে হাই টেক মেচিনেৰে মাটি খান্দিবলৈ আৰম্ভ কৰিছে।
Continue Reading
