ডিজিটেল ডেস্ক : সমগ্ৰ দেশজুৰি চলা আন্দোলনৰ পাছতো গৃহীত হৈছিল জাতিধ্বংসী নাগৰিকত্ব সংশোধনী আইন৷ সেনা-আৰক্ষীৰ লাঠিৰ কোব, গুলীত প্ৰাণ গ'ল কেইবাজনো আন্দোলনকাৰীৰ৷ হাজাৰ জনতাৰ প্ৰতিবাদী কণ্ঠৰ পাছতো চৰকাৰে গৃহীত কৰিছিল এই আইনখন৷ পুনৰ 'কা'বিৰোধী সংগ্ৰামৰ উকমুকনিৰ সময়তে এজন প্ৰভাৱশালী বিজেপি নেতাই কৰা এক মন্তব্যই তীব্ৰ প্ৰতিক্ৰিয়াৰ সৃষ্টি কৰিছে৷
কেন্দ্ৰীয় সংখ্যালঘু মন্ত্ৰী মুখতাৰ আাব্বাছ নাকবীয়ে 'কা' বাতিলৰ কোনো সম্ভাৱনা নাই বুলি জানিবলৈ দিয়ে৷ শুকুৰবাৰে মোদী চৰকাৰে তিনিখন বিতৰ্কীত কৃষি আইন বাতিলৰ কথা ঘোষণা কৰাৰ পাছতে নাগৰিকত্ব সংশোধনী আইন বাতিল কৰাক লৈ উঠা প্ৰশ্নত এই মন্তব্য কৰে মন্ত্ৰীগৰাকীয়ে৷
মন্ত্ৰীগৰাকীয়ে কয় যে, "কা'ৰ গইনা লৈ সংখ্যালঘুসকলক ৰাজনীতি আৰম্ভ কৰিছে একাংশ লোকে৷ এই আইনখন কোনো কাৰণতে বাতিল নহয়, কাৰণ ভাৰতীয় নাগৰিকক লৈ এই আইনখনে একো ক্ষতি কৰা নাই৷"
