ডিজিটেল ডেস্কঃ ৰাজস্থান, মধ্য প্ৰদেশ, ছত্তীশগড় আৰু তেলেংগানাত বিধানসভা নিৰ্বাচনৰ ভোটগণনা চলি থকা মাজতে কোন ৰাজ্যত কোন দল বিজয়ী হ’ব তাকেলৈ আৰম্ভ হৈছে বাজীমৰাৰ প্ৰতিযোগিতা। ছ'চিয়েল মিডিয়াত বহুতে আকৌ বিজেপি জিকিলে ধন প্ৰদান কৰিব বুলিও ঘোষণা কৰিছে। কিছুমানে বিজেপিৰ সমৰ্থনত কেতবোৰ ভক্তিমূলক পোষ্ট কৰি সেই পোষ্ট লাইক কৰাসকলক ১০০ টকা বা তাতোকৈ অধিক ধন দিব বুলিও ঘোষণা কৰিছে।
অৱশ্যে তেনে পোষ্ট লাইক কৰাৰ বাবে কোনোবাই ধন পাইছে নে নাই সেয়া জানিব পৰা হোৱা নাই। হিন্দী বলয়ৰ তিনিখন ৰাজ্য - মধ্য প্ৰদেশ, ৰাজস্থান আৰু ছত্তীশগড়ত বিজেপিয়ে মহা পৰাক্ৰম দেখুৱাইছে। তেলেংগানাত কংগ্ৰেছে পৰাক্ৰম দেখুৱাবলৈ সক্ষম হৈছে। এনে সময়তে ছ'চিয়েল মিডিয়া নীৰৱ হৈ থকা নাই। ভোটগণনাৰ মাজতে ছ'চিয়েল মিডিয়াত চলিছে ধেমেলীয়া কথা-বতৰা।
শেহতীয়াকৈ এখন শপতনামা ভাইৰেল হৈছে । য'ত কোৱা হৈছিল যে যদি বিজেপিয়ে মধ্য প্ৰদেশত চৰকাৰ গঠন কৰে ধনীৰাম ভলাভি নামৰ এজন ব্যক্তিয়ে নীৰজ মালৱীয়ক এক লাখ টকা দিব, যদি কংগ্ৰেছ জয়ী হয়, নীৰজে ধনীৰামক এক লাখ টকা দিব।
এজন ব্যৱহাৰকাৰীয়ে ঘোষণা কৰিছে যে যদি আজি বিজেপি জয়ী হয়, তেন্তে সেই পোষ্ট লাইক কৰা প্ৰতিজন ব্যক্তিক ১১১ টকাকৈ দিয়া হ'ব।এনেবোৰ ধেমেলীয়া কথাই এতিয়া ছ'চিয়েল মিডিয়া গৰম কৰি ৰাখিছে।ইয়াত কেইটামান তেনে ধেমেলীয়া পোষ্ট উল্লেখ্য কৰা হৈছে।
Continue Reading
