ডিজিটেল ডেস্কঃ তেলেংগানাৰ বিধানসভা নিৰ্বাচনত কংগ্ৰেজ জয়ী হোৱাৰ দিশে আগবাঢ়িছে। সম্পূৰ্ণ ফলাফল ঘোষণা হোৱাৰ আগতেই তেলেংগানা বিধানসভা নিৰ্বাচনৰ ভোটগণনাত কংগ্ৰেছ আগবাঢ়ি থকাত কৰ্মীসকলৰ মাজত এক সৰ্বাংগীন উৎসাহৰ পৰিৱেশে বিৰাজ কৰিছে।
হায়দৰাবাদত কংগ্ৰেছ সংসদীয় দলৰ সভানেত্ৰী ছোনিয়া গান্ধী, দলৰ সাংসদ ৰাহুল গান্ধী আৰু ৰাজ্যিক কংগ্ৰেছৰ সভাপতি ৰেৱন্ত ৰেড্ডীৰ পোষ্টাৰত গাখীৰ ঢালি আনন্দ উদযাপন কৰে দলীয় কৰ্মীসকলে। পুৱাৰে পৰা দলৰ শীৰ্ষ নেতাৰ ডাঙৰ ডাঙৰ পোষ্টাৰত গাখীৰেৰে অভিষেক কৰিবলৈ এক বৃহৎ সংখ্যক কৰ্মী সমবেত হৈছিল।
তেলেংগানাত কেচি ৰাও নেতৃত্বাধীন ভাৰত ৰাষ্ট্ৰ সমিতি (বি আৰ এছ) পূৰ্বতে তেলেংগানা ৰাষ্ট্ৰ সমিতি (টি আৰ এছ) নামেৰে পৰিচিত, তেলেংগানাত আৰম্ভ হোৱাৰ পৰাই শাসন চলি আহিছে। এইবাৰ বিধানসভা নিৰ্বাচনতো বি আৰ এছ আশাবাদী আছিল যে জনসাধাৰণে সেইবোৰ পুনৰাবৃত্তি কৰি ক্ষমতা অক্ষুণ্ণ ৰাখিব, কিন্তু দেওবাৰৰ পৰা আৰম্ভ হোৱা ভোট গণনাত পুৱা ১১.৩০ বজালৈকে হোৱা ধাৰা অনুসৰি কংগ্ৰেছে ১১৯খন আসনৰ ভিতৰত ৬৯খন আসনত আগবাঢ়ি আছ। আনহাতে শাসকীয় বি আৰ এছ ৩৭খন আসনত সীমাবদ্ধ।
ইয়াৰ বাবেই কংগ্ৰেছ কৰ্মীসকলৰ মাজত প্ৰচণ্ড উৎসাহৰ পৰিবেশ বিৰাজ কৰিছে। তেলেংগানাত কংগ্ৰেছ ক্ষমতালৈ অহাৰ প্ৰবল সম্ভাৱনা। ৰাজ্যিক বিজেপিৰ আসনসমূহো বৃদ্ধি পোৱাৰ লগতে ১০খন আসনত অগ্ৰগতি লাভ কৰিছে দলটোৱে।
Continue Reading
