ডিজিটেল ডেস্কঃ এদশক আগতে পুত্ৰ অধ্যয়ন সুমনৰ প্ৰেমত পৰিছিল কংগনা ৰানাউত। সেই সময়ত অধয়্যনৰ পিতৃ শেখৰ সুমনে অভিনেত্ৰীগৰাকীক ‘ডাইনী’, ক’লা যাদু, ড্ৰাগছ আসক্ত বুলি অভিযোগ উত্থাপন কৰিছিল।
এইবাৰ লোকসভা নিৰ্বাচনৰ পূৰ্বে বিজেপিত যোগদান কৰিলে শেখৰ সুমনে। ইফালে, কংগনাই হিমাচল প্ৰদেশৰ মাণ্ডী লোকসভা সমষ্টিত বিজেপিৰ পক্ষত থিয় দিছে। বিজেপিত যোগদান কৰিবলৈ অভিনেতাৰ সুৰ কোমল হয়। কংগনাৰ হৈ প্ৰচাৰ চলাবলৈও সন্মত হয়।
বিজেপিত যোগদান কৰাৰ এমাহ পূৰ্বে অভিনেতাজনে কংগনাৰ প্ৰতি সুৰ কোমল কৰিবলৈ আৰম্ভ কৰে। পুত্ৰৰ সৈতে অভিনেত্ৰীগৰাকীৰ তিক্ত সম্পৰ্কৰ অভিজ্ঞতাত তেওঁ বহি থকা নাই। কেৱল সেয়াই নহয়, শেখৰে ক'লে, "হয়তো সেই সময়ত দুয়োপক্ষৰ কিছু ভুল বুজাবুজি আছিল।"
মঙলবাৰে বিয়লি নতুন দিল্লীৰ ৬ দীনদয়াল উপাধ্যায় মাৰ্গত বিজেপিৰ মুখ্য কাৰ্যালয়ত দলৰ সৰ্বভাৰতীয় সাধাৰণ সম্পাদক বিনোদ টাৱাৰৰ উপস্থিতিত পদ্ম শিবিৰত পতাকা গ্ৰহণ কৰে। ইয়াৰ পিছত কংগনাৰ প্ৰচাৰৰ প্ৰশ্নৰ সন্মুখীন হ’লে অভিনেতাগৰাকীয়ে কয়, “হয়, কিয় নাযাব, মোক ফোন কৰিলে মই নিশ্চয় যাম। মোৰ কৰ্তব্যৰ ভিতৰত পৰে।''
Continue Reading
