ডিজিটেল ডেস্কঃ প্ৰধানমন্ত্ৰীৰ অৰ্থনৈতিক উপদেষ্টা পৰিষদৰ এক অধ্যয়নত প্ৰকাশ পাইছে যে ভাৰতত ৬৫ বছৰত হিন্দুৰ জনসংখ্যা হ্ৰাস পাইছে। দেশৰ সংখ্যাগৰিষ্ঠ ধৰ্ম হিচাপে পৰিগণিত হিন্দুসকলৰ জনসংখ্যা ১৯৫০ চনৰ পৰা ২০১৫ চনৰ ভিতৰত ৭.৮% হ্ৰাস পাইছে। আনহাতে বহু চুবুৰীয়া দেশত সংখ্যাগৰিষ্ঠ সম্প্ৰদায়ৰ জনসংখ্যা প্ৰচণ্ডভাৱে বৃদ্ধি পাইছে।
১৯৫০ চনৰ পৰা ২০১৫ চনক সামৰি চলোৱা অধ্যয়নত দেখা গৈছে যে ভাৰতত সংখ্যাগৰিষ্ঠ হিন্দু ধৰ্মাৱলম্বী লোকৰ সংখ্যা এইদৰে হ্ৰাস পোৱাৰ বিপৰীতে মুছলমান লোকৰ সংখ্যা ৪৩.১৫ শতাংশ বৃদ্ধি পাইছে। একেদৰে খ্ৰীষ্টান ধৰ্মাৱলম্বী লোকৰ সংখ্যা ৫.৩৮ শতাংশ আৰু শিখ ধৰ্মাৱলম্বী লোকৰ সংখ্যা বৃদ্ধি পাইছে ৬.৫৮ শতাংশ। কিন্তু এই সময়ছোৱাত জৈন আৰু পাৰ্চীৰ সংখ্যা কমিছে। বৌদ্ধ ধৰ্মাৱলম্বীসকলৰ মাজত সামান্য বৃদ্ধি হোৱা দেখা গৈছে।
অধ্যয়ন অনুসৰি ১৯৫০ চনত ভাৰতৰ জনসংখ্যাত হিন্দুৰ অংশ আছিল ৮৪%। ২০১৫ চনৰ ভিতৰত ই ৭৮% লৈ হ্ৰাস পাইছে। একে সময়ছোৱাতে মুছলমানৰ সংখ্যা ৯.৮৪%ৰ পৰা ১৪.০৯%লৈ বৃদ্ধি পাইছে।
ম্যানমাৰৰ পাছতে ভাৰতৰ সংখ্যাগৰিষ্ঠ জনসংখ্যা হ্ৰাস পোৱা চুবুৰীয়া দেশসমূহৰ ভিতৰত দ্বিতীয় স্থানত আছে। ম্যানমাৰত সংখ্যাগৰিষ্ঠ জনসংখ্যা ১০% আৰু ভাৰতত ৭.৮% হ্ৰাস পাইছে। ভাৰতৰ বাহিৰেও নেপালৰ সংখ্যাগৰিষ্ঠ সম্প্ৰদায়ৰ (হিন্দু) জনসংখ্যাৰ ৩.৬% হ্ৰাস দেখা গৈছে।
Continue Reading
