বিজেপিক ভোট দিয়া বাবে মুছলমান মহিলাক মাৰধৰ কৰি ঘৰৰ বাহিৰ কৰিলে শহুৰৰ পৰিয়ালে

ডিজিটেল ডেস্কঃ উত্তৰ প্ৰদেশৰ বিধানসভা নিৰ্বাচনত বিজেপিক ভোট দিয়াৰ বাবে এগৰাকী মুছলমান মহিলাৰ জীৱনলৈ নামি আহিছে বিপদ। বিজেপিক ভোট দিয়া বাবে খঙাল শহুৰেকে তেওঁক প্ৰহাৰ কৰিছিল আৰু ঘৰৰ পৰা বাহিৰ কৰি দিছিল। যদি এই খবৰ আৰক্ষীক দিয়ে তেন্তে তেওঁৰ ভাতৃক হত্যা কৰা হ'ব বুলি ভাবুকি দিয়ে শহুৰেকৰ পৰিয়ালে। এজাজ নগৰ গৌটিয়াৰ বাসিন্দা তাহিৰ আনছাৰীৰ জীয়ৰী উজমাই ২০২১ চনৰ জানুৱাৰীত একেটা অঞ্চলৰ তাছলীম আনছাৰীৰ সৈতে বিবাহপাশত আৱদ্ধ হৈছিল। দুয়োৰে প্ৰেম বিবাহ হৈছিল। ভুক্তভোগীয়ে কৈছিল যে তেওঁ বিধানসভা নিৰ্বাচনত বিজেপিক ভোট দিছিল। যেতিয়া তেওঁ কাক ভোট দিছিল বুলি শহুৰেকৰ ঘৰৰ মানুহে সুধিছিল তেতিয়া মহিলাগৰাকীয়ে কৈছিল যে তেওঁ বিজেপিক ভোট দিছে। এই কথা শুনিয়েই খঙত তেওঁলোক উত্তেজিত হৈ পৰিছিল। কথাটো শুনি তেওঁক মাৰধৰ কৰাৰ লগতে বিজেপিক ভোট দিয়া কাৰণে তেওঁৰ স্বামীয়ে তেওঁক বিবাহ বিচ্ছেদ দিব বুলি ভাবুকি দিয়ে দেওৰেকে। লগতে তেওঁক ঘৰৰ পৰা উলিয়াই দিয়ে। বৰ্তমান ভুক্তভোগী মহিলাগৰাকী আৰু তেওঁৰ পৰিয়ালৰ সদস্যসকলে আৰক্ষীৰ পৰা সহায় বিচাৰিছে। তানজিম উলামা-ই-ইছলামৰ ৰাষ্ট্ৰীয় সাধাৰণ সম্পাদক মৌলানা শ্বাহবুদ্দিন ৰাজৱীয়ে কয় যে ''ৰাজনৈতিক দলসমূহক ভোট দিয়াটো এটা সাংবিধানিক অধিকাৰ। যিকোনো পুৰুষ, মহিলা, মহিলাই যিকোনো প্ৰাৰ্থী বা দলক নিজ পচন্দ অনুযায়ী ভোট দিব পাৰে। ইয়াক ৰাজনৈতিক দৃষ্টিকোণৰ পৰা চোৱাটো উচিত নহয়। এই কথাত যদি মহিলাগৰাকীক বিবাহ বিচ্ছেদৰ ভাবুকি দিয়া হৈছে তেন্তে এয়া অত্যন্ত ভুল হৈছে। শহুৰৰ পৰিয়ালে ভুক্তভোগীৰ ওচৰত ক্ষমা বিচৰা উচিত। যদি তেওঁলোকে এনে নকৰে তেন্তে তেওঁলোক শ্বৰীয়তৰ দৃষ্টিত দোষী সাব্যস্ত হ'ব।'' আৰু পঢ়কঃ আহি আছে ‘আছানী’! উত্তৰ-পূৱৰ ৰাজ্যসমূহত প্ৰবল বতাহ-বৰষুণৰ আগজাননী