ডিজিটেল ডেস্কঃ কৰ’নাই কোনো প্ৰকাৰে মানুহক শান্তি প্ৰদান কৰা নাই। মাজে-সময়ে ভাইৰাছটো অলপ হলেও নিয়ন্ত্ৰণত আহিলেও হঠাৎ পুনৰ সংক্ৰমণ বৃদ্ধি পায়। কিছুদিনৰ আগতে এই সংক্ৰমণ যথেষ্ট নিয়ন্ত্ৰণত আছিল। কিন্তু সেই সংক্ৰমণ এতিয়া বৃদ্ধি পাইছে। বৰ্তমান ক’ভিডৰ সংক্ৰমণ বৃদ্ধি পোৱাৰ লগে লগে একাংশ বিশেষজ্ঞই বিপদৰ আশংকা কৰিছে।
দৰাচলতে কিছুদিনৰ আগতে সংক্ৰমণৰ হাৰ ২০০০ ঘৰৰ তললৈ নামি আহিছিল। কিন্তু এতিয়া সেই সংক্ৰমণ বৃদ্ধি পাইছে। এই ক্ষেত্ৰত দৈনিক আক্ৰান্তৰ সংখ্যা ১২ হাজাৰ অতিক্ৰম কৰিছে। শুকুৰবাৰে এই সংখ্যা আছিল ১২,৬৪৮ জন। এই ক্ষেত্ৰত দৈনিক পজিটিভিটিৰ হাৰ ২.৩৫ত উপনীত হৈছে আৰু সাপ্তাহৰ পজিটিভিটিৰ হাৰ ২.৩৬।
ইফালে পৃথিৱীৰ আন দেশত ক’ভিডৰ বৰ্দ্ধিত সংক্ৰমণক লৈ গভীৰ চিন্তাত পৰিছে। বহু দেশে দাবী কৰি আছে এয়াই হৈছে সাম্ভাব্য চতুৰ্থ ঢৌ। কিন্তু কভিডৰ চতুৰ্থ ঢৌ ভাৰততো হৈছে নেকি? এই সন্দৰ্ভত কলকাতাৰ আৰ এন ঠাকুৰ হাস্পতালৰ বিশিষ্ট চিকিৎসা বিশেষজ্ঞ ডাঃ অৰিন্দম বিশ্বাসে কয় যে, "হয়, সমস্যা বহু ক্ষেত্ৰত আছে।" সংক্ৰমণো বৃদ্ধি পাইছে। অৱশ্যে চতুৰ্থ ঢৌ আশংকা ও নুই কৰিব নোৱাৰি।
এই প্ৰসংগত ড০ বিশ্বাসে কয় যে ইয়াৰ বহু কাৰণ আছে। প্ৰথমতে মানুহে মাস্ক ব্যৱহাৰ এৰিলে। বাহিৰলৈ ওলাই যাওঁতে মুখত মাস্ক নাথাকে। দ্বিতীয়তে, জনসমাগম এতিয়াও হ্ৰাস হোৱা নাই। মুঠতে বৰ্তমান সমস্যাটো অধিক বাঢ়ি গৈ আছে।
Continue Reading
