ভাৰতৰ পক্ষ লৈ ট্রাম্পক উভতি ধৰিলে মস্কোৱে

ডিজিটেল ডেস্কঃ ৰাছিয়াৰ পৰা খাৰুৱা তেল ক্ৰয়ৰ প্ৰসংগক লৈ কালি আমেৰিকাৰ ৰাষ্ট্ৰপতি ড'নাল্ড ট্রাম্পে ভাৰতক দিয়া ভাবুকিৰ মস্কোৱে কঠোৰ ভাষাৰে প্ৰত্যুত্তৰ দিয়ে। ৰাছিয়াৰ বিদেশ মন্ত্র্যালয়ে কয়, 'আন দেশক ৰাছিয়াৰ সৈতে ব্যৱসায় কৰাত বাধা আৰোপ কৰাটো অবৈধ।' দেশখনৰ বিদেশ মুখপাত্ৰ মাৰিয়া জখাৰোভাই কয়, 'প্রতিখন দেশৰে নিজৰ নিজৰ বাণিজ্যিক সিদ্ধান্ত নিজে লোৱাৰ অধিকাৰ আছে। আন দেশক এনেধৰণেৰে চাপ দিয়াটো ভাবুকি বুলি গণ্য কৰা হ'ব।'

তেওঁ লগতে এই বুলি অভিযোগ কৰে যে আমেৰিকাই বিশ্বত নিজৰ আধিপত্য স্থাপনৰ কাৰণে উন্নয়নশীল দেশবোৰৰ বিৰুদ্ধে 'নব্য-উপনিৱেশবাদ' নীতি গ্রহণ কৰিছে।

নব্য-উপনিবেশবাদত শক্তিশালী দেশবোৰে দুৰ্বল দেশবোৰত প্রত্যক্ষভাৱে দখল নকৰিলেও এই দেশবোৰৰ ওপৰত অর্থনৈতিক, ৰাজনৈতিক অথবা সামৰিক চাপ প্রয়োগ কৰিবলৈ বিচাৰে। ৰাছিয়াই

কয় যে আন্তঃৰাষ্ট্ৰীয় মঞ্চত আমেৰিকাৰ কথা মতে নচলা দেশবোৰক জানি-শুনি অর্থনৈতিক চাপৰ মাজত ৰাখিবলৈ বিচাৰিছে।

ৰাছিয়াৰ বিদেশ মন্ত্ৰ্যালয়ৰ মুখপাত্ৰ মাৰিয়া জখাৰোভাই পুনৰ কয় যে আমেৰিকাই নিজৰ স্বাৰ্থ তথা ৰাজনৈতিক কাৰণত অৰ্থনৈতিক নিষেধাজ্ঞা আৰু শুল্ক আৰোপ কৰিছে, কিন্তু ইয়াৰ দ্বাৰাৰ ইতিহাসৰ দিশ সলনি কৰিব নোৱাৰি।' তেওঁ কয় যে দক্ষিণৰ কেইবাখনো শক্তিশালী দেশৰ লগতে ব্ৰিকছৰ দেশবোৰো ৰাছিয়াৰ পক্

উৎসঃ দৈনিক জনমভূমি