ডিজিটেল ডেস্কঃ মিত্র দেশ আমেৰিকাৰ বিপৰীত স্থিতি গ্রহণ কৰি অষ্ট্ৰেলিয়াই ৰাষ্ট্ৰসংঘৰ সাধাৰণ পৰিষদৰ ৮০ সংখ্যক অধিৱেশনত পেলেষ্টাইন ৰাষ্ট্ৰক আনুষ্ঠানিকভাৱে স্বীকৃতি দিব।
গাজা ষ্ট্ৰিপৰ কিছু অংশত ইজৰাইলে সামৰিক অভিযান চলোৱাৰ পৰিকল্পনা কৰাৰ সময়তে অষ্ট্ৰেলিয়াই এই কথা ঘোষণা কৰে।
অষ্ট্ৰেলিয়াৰ বিদেশ মন্ত্র্যালয়ে কয় যে এই পদক্ষেপে দুখন ৰাষ্ট্ৰ সৃষ্টিৰে সমাধান, গাজাত যুদ্ধ-বিৰতি আৰু পণবন্দীৰ মুক্তিৰ বাবে চলি থকা আন্তঃৰাষ্ট্ৰীয় হেঁচাত বৰঙনি যোগাব। ১৯৪৭ চনৰ পৰা অষ্ট্ৰেলিয়াই ইজৰাইলৰ অস্তিত্ব সমর্থন কৰি আহিছে।
সেই বছৰতে অষ্ট্ৰেলিয়াৰ বিদেশ মন্ত্রী এইচ ভি ইভেটৰ অধ্যক্ষতাৰ ৰাষ্ট্ৰসংঘৰ সমিতিয়ে ওচৰা-উচৰিকৈ দুখন ৰাষ্ট্ৰ সৃষ্টিত অনুমোদন জনাইছিল। উল্লেখযোগ্য যে ফ্রান্স, ব্রিটেইন আৰু কানাডাকে ধৰি কেইবাখনো দেশে ইতিমধ্যে পেলেষ্টাইন ৰাষ্ট্ৰক স্বীকৃতি দিয়াৰ পৰিকল্পনা কৰিছে।
উৎসঃ দৈনিক জনমভূমি
Continue Reading
