ডিজিটেল ডেস্কঃ বিক্ৰী কৰা হ’ল প্ৰয়াত বলীউড অভিনেতা দেৱ আনন্দৰ জুহুস্থিত ঘৰ। পত্নী কল্পনা কাৰ্তিক আৰু দুই সন্তান সুনীল আনন্দ তথা দেৱীনা আনন্দৰ সৈতে এই ঘৰত বহুদিন বাস কৰিছিল আৰু দেৱৰ জীৱনৰ অতি সুন্দৰ মুহূৰ্ত এই ঘৰৰ লগত বিজড়িত হৈ আছিল। এতিয়া দেৱানন্দৰ বাংলোটো ২২ মহলীয়া টাৱাৰলৈ ৰূপান্তৰিত কৰা হৈছে।
হিন্দুস্তান টাইমছে এক সূত্ৰৰ উদ্ধৃতি দি লিখিছে যে দেৱ আনন্দৰ জুহু বাংলোটো ৰিয়েল এষ্টেট কোম্পানীক বিক্ৰী কৰা হৈছে। ইয়াৰ চুক্তি হৈ গৈছে আৰু এতিয়া কাগজ-পত্ৰৰ আনুষ্ঠানিক কাম-কাজ চলি আছে। কোৱা হৈছে যে দেৱ আনন্দৰ এই ঘৰটো প্ৰায় ৩৫০-৪০০ কোটি টকাত বিক্ৰী হৈছে। এই বাংলোটো ভাঙি পেলোৱাৰ পাছত এতিয়া সেই ঠাইত নিৰ্মাণ হ’ব ২২ মহলীয়া টাৱাৰ।
অঞ্চলটোৰ বহু বৃহৎ ব্যৱসায়ীৰ বাংলোৰ মাজত নিৰ্মাণ কৰা হৈছে দেৱ আনন্দৰ এই বাংলোটো।উল্লেখ্য যে দেৱ আনন্দৰ বাংলোৰ সমীপৰ এপাৰ্টমেণ্টটোত মাধুৰী দীক্ষিত নেনে আৰু ডিম্পল কাপাডিয়াৰ দৰে তাৰকায়ো বাস কৰে৷
স্মৰ্তব্য যে এই বাংলোটোৰ প্ৰতি দেৱ আনন্দৰ বৰ আকৰ্ষণ আছিল। তেওঁ নিজেই পুৰণি সাক্ষাৎকাৰত এই কথা প্ৰকাশ কৰিছিল। এটা সংবাদ মাধ্যমক দিয়া সাক্ষাৎকাৰত দেৱ আনন্দে কৈছিল যে তেওঁ এই ঘৰটো ১৯৫০ চনত নিৰ্মাণ কৰিছিল, যেতিয়া জুহু এখন সৰু গাঁও আছিল আৰু তাত এখন সম্পূৰ্ণ অৰণ্য আছিল। ইয়াৰ হাবি ভাল পোৱাৰ বাবেই এই ঠাইখন বাছি লোৱা বুলি অভিনেতাজনে কৈছিল।
Continue Reading
