ডিজিটেল ডেস্কঃ ১৫ সংখ্যক ব্ৰিক্স সন্মিলনত অংশগ্ৰহণৰ বাবে মঙলবাৰে (২২ আগষ্ট) বিয়লি প্ৰায় ৫.১৫ বজাত দক্ষিণ আফ্ৰিকাৰ জোহান্সবাৰ্গত উপস্থিত হয় প্ৰধানমন্ত্ৰী নৰেন্দ্ৰ মোদী। এই সময়ছোৱাত বিমানবন্দৰত তেওঁক বিপুল আদৰণি জনোৱা হয়। ৰাষ্ট্ৰপতি চাইৰিল ৰামাফোছাৰ আমন্ত্ৰণত প্ৰধানমন্ত্ৰী মোদী ২২ আগষ্টৰ পৰা ২৪ আগষ্টলৈ দক্ষিণ আফ্ৰিকাত থাকিব।
প্ৰধানমন্ত্ৰী মোদীক আদৰণি জনাই বিমানবন্দৰত উপস্থিত থাকে ভাৰতীয়মূলৰ বহু সংখ্যক লোক। এই সময়ত মোদীয়ে ৰাইজক সম্ভাষণ জনোৱাৰ লগতে হাত মিলাই সম্ভাষণ জনায়।
দক্ষিণ আফ্ৰিকালৈ যোৱাৰ পূৰ্বে প্ৰধানমন্ত্ৰী মোদীয়ে আস্থা প্ৰকাশ কৰে যে এই সন্মিলনে সদস্য দেশসমূহক ভৱিষ্যতৰ সহযোগিতাৰ ক্ষেত্ৰসমূহ চিনাক্ত কৰি প্ৰতিষ্ঠানিক উন্নয়নৰ বুজ লোৱাৰ এক উপযোগী সুযোগ প্ৰদান কৰিব।
ভাৰতৰ বাহিৰেও ব্ৰিক্স গ্ৰুপত ৰাছিয়া, চীন, ব্ৰাজিল আৰু দক্ষিণ আফ্ৰিকা অন্তৰ্ভুক্ত। ২০১৯ চনৰ পিছত এইখনেই হৈছে ব্ৰিক্সৰ নেতাসকলৰ প্ৰথমখন মুখামুখি সন্মিলন।
এই অনুষ্ঠানত অংশগ্ৰহণৰ বাবে আমন্ত্ৰণ পোৱা বহু অতিথি দেশৰ সৈতে মত বিনিময় কৰিবলৈ তেওঁ আগ্ৰহী বুলি মোদীয়ে মন্তব্য কৰে। তেওঁ কয় যে মই জোহান্সবাৰ্গত উপস্থিত থকা একাংশ নেতাৰ সৈতেও দ্বিপাক্ষিক বৈঠক অনুষ্ঠিত কৰিবলৈ আগ্ৰহী।
ব্ৰিক্স সন্মিলনৰ আঁৰত প্ৰধানমন্ত্ৰী মোদী আৰু চীনৰ ৰাষ্ট্ৰপতি জি জিনপিঙৰ মাজত কি আলোচনা হ’ব? এই প্ৰশ্নৰ সন্দৰ্ভত বৈদেশিক সচিব কোৱাট্ৰাই সোমবাৰে (২১ আগষ্ট) কয় যে প্ৰধানমন্ত্ৰী মোদীৰ দ্বিপাক্ষিক বৈঠক এতিয়াও চূড়ান্ত কৰা হৈছে।
সংবাদ সংস্থা পিটিআইৰ তথ্য অনুসৰি ব্ৰিক্সত অন্তৰ্ভুক্ত দেশসমূহৰ মুঠ জনসংখ্যাই বিশ্বৰ জনসংখ্যাৰ ৪১ শতাংশ, বিশ্ব জিডিপিত ৩১.৫ শতাংশ আৰু বিশ্ব বাণিজ্যত ১৬ শতাংশ অৰিহণা যোগায়। ব্ৰাজিল, ভাৰত, চীন আৰু দক্ষিণ আফ্ৰিকাই ২০২২ চনত ১৬৬টা ব্ৰিকছ ইভেণ্টত ৰাছিয়াৰ সৈতে যোগদান কৰিব আৰু কিছুমান সদস্য ৰাছিয়াৰ বাবে গুৰুত্বপূৰ্ণ ৰপ্তানি বজাৰত পৰিণত হ’ব।
দক্ষিণ আফ্ৰিকাৰ পাছত গ্ৰীচৰ প্ৰধানমন্ত্ৰী কিৰিয়াকোছ মিটছ’টাকিছৰ আমন্ত্ৰণত ২৫ আগষ্টত এথেন্স ভ্ৰমণ কৰিব প্ৰধানমন্ত্ৰী মোদীয়ে। তেওঁ কয় যে যোৱা ৪০ বছৰত গ্ৰীচ ভ্ৰমণ কৰা প্ৰথমজন ভাৰতীয় প্ৰধানমন্ত্ৰী হোৱাৰ গৌৰৱ মোৰ হ’ব।
Continue Reading
