ডিজিটেল ডেস্কঃ এখন বিলাসী বাহনৰ মালিক হোৱাটো সঁচাকৈয়ে বহুতৰে বাবে এটা সপোন। এনে কিছুমান মানুহ আছে যিয়ে সেই সপোন পূৰণ কৰিবলৈ সক্ষম হয়। চাকৰিত বহু বছৰ কঠোৰ পৰিশ্ৰম কৰিও বহুতে বিলাসী গাড়ী এখন কিনাৰ সপোন পূৰণ কৰিব নোৱাৰে।
কিন্তু কেৰালাৰ এজন খেতিয়কে বিলাসী অডি গাড়ীত উঠি শাক বেচিবলৈ যোৱাৰ কথাই বহুতকে আচৰিত কৰি তুলিছে। সুজিত নামৰ কেৰালাৰ এজন যুৱ কৃষকে কৃষিৰ জড়িয়তেও যে ধনী হ’ব পাৰি সেই কথা প্ৰমাণ কৰিছে। তেওঁ অলপতে নতুনকৈ চপোৱা পাচলি বিক্ৰী কৰিবলৈ এখন অডি এ ৪ বিলাসী চেডান গাড়ী ব্যৱহাৰ কৰিছে। গাড়ী খনৰ মালিকো তেঁৱেই। এতিয়া কৃষক জনৰ ভিডিঅ’ ভাইৰেল হৈ পৰিছে।
ইনষ্টাগ্ৰামত শ্বেয়াৰ কৰা ভিডিঅ'টোৱে দ্ৰুতগতিত নেটিজেনক আকৰ্ষণ কৰিছে। ক্লিপটোত, সুজিতক তেওঁৰ পথাৰৰ পৰা শাক সংগ্ৰহ কৰা দেখা গৈছে। তাৰ পিছত তেওঁ সেই শাক বিক্ৰী কৰিবলৈ তেওঁৰ সুন্দৰ অডিত উঠি বজাৰত উপস্থিত হৈছে।
ক্লিপটো ৮.৮ নিযুতৰো অধিক লোকে চাইছে আৰু বহুতে বিভিন্ন ধৰণৰ প্ৰতিক্ৰিয়া প্ৰকাশ কৰিছে। বহুতে সুজিতক তেওঁৰ কঠোৰ পৰিশ্ৰমৰ বাবে অভিনন্দন জনাইছে আৰু তেওঁ আনৰ বাবে অনুপ্ৰেৰণা বুলি অভিহিত কৰিছে।
Continue Reading
