--°C
Loading...
Listen to Article
2 min read
80%
ডিজিটেল ডেস্ক : এগৰাকী আইপিএছ বিষয়াৰ কাণ্ডই এতিয়া তোলপাৰ লগাইছে দেশত। তেওঁৰ এক আচহুৱা কাণ্ড পোহৰলৈ অহাৰ পাছতে এতিয়া ছ’চিয়েল মিডিয়াতো লাগিছে তোলপাৰ। একধৰণৰ আশ্বৰ্য আৰু আমোদে টুইটাৰত খলকনি তুলিছে নেটিজেনসকলৰ মাজত। এই আইপিএছ বিষয়াগৰাকী হৈছে অৰুণ বোথ্ৰা। ওড়িশাৰ পৰিবহণ আয়ুক্ত হিচাপে কৰ্মৰত হৈ আছে বোথ্ৰা। তেওঁ শেহতীয়াকৈ টুইটাৰত শ্বেয়াৰ কৰা এখন আলোকচিত্ৰক লৈ এতিয়া তোলপাৰ লাগিছে। ঘটনাটো সংঘটিত হৈছে জয়পুৰ বিমানবন্দৰত। য’ত নিৰাপত্তাৰক্ষীয়ে তেওঁৰ হেণ্ডবেগটো পৰীক্ষা কৰিব বিচাৰিছিল। নিৰাপত্তাৰক্ষীৰ নিৰ্দেশ মানি তেওঁ নিজৰ হেণ্ডবেগটো খুলি দেখুৱায়। কিন্তু তেওঁৰ বেগৰ ভিতৰত থকা বস্তখিনি দেখি চকু কপালত উঠে নিৰাপত্তাবাহিনীৰ লোকসকলৰ। বেগটোৰ আলোকচিত্ৰ আইপিএছ বিষয়াগৰাকীয়ে বুধবাৰে শ্বেয়াৰ কৰে আৰু তাৰ পাছতে ছ’চিয়েল মিডিয়াতো ব্যাপক ৰসাল চৰ্চা চলে। আইপিএছ বিষয়াগৰাকীৰ বেগটো ভৰি আছিল সতেজ মটৰেৰে। তেওঁ দহ কিলোগ্ৰাম সেউজীয়া মটৰ ভৰাই আনিছিল বেগটোত। এই ছবিখন টুইট কৰি তেওঁ আমোদজনক ঘটনাটোৰ বিষয়ে প্ৰকাশ কৰে। প্ৰতি কিলোগ্ৰামত ৪০টকা হিচাপত তেওঁ এই সেউজীয়া মটৰখিনি ক্ৰয় কৰিছিল বুলিও প্ৰকাশ কৰে। এটা ইমোজীৰ সৈতে তেওঁ এই আলোকচিত্ৰ শ্বেয়াৰ কৰিছে। বোথ্ৰাই কিহৰ বাবেনো ইমান বৃহৎ পৰিমাণৰ সেউজীয়া মটৰ নিজৰ হেণ্ডবেগত ভৰাই লৈ গৈছিল সেয়া স্পষ্ট হোৱা নাই। তেওঁ সঁচাকৈয়ে এই কাণ্ড সংঘটিত কৰিছে নে তেওঁ ৰসিকতাহে কৰিছে সেয়াও স্পষ্ট নহয়। কিন্তু তেওঁৰ এই টুইটে ব্যাপক চৰ্চা লাভ কৰিছে। তেওঁৰ টুইটটোৱে প্ৰায় ষাঠি হাজাৰ লাইক পাইছে। কেৱল এয়াই নহয়, বিভিন্নজনে তেওঁৰ টুইটত ৰিটুইট কৰি ৰসিকতাৰে তেওঁ মটৰৰ অবৈধ সৰবৰাহকাৰী আখ্যা দিছে। বহুতে নিজৰ ঠাইৰ মটৰৰ দামৰ সৈতে তেওঁ ক্ৰয় কৰা মটৰৰ দাম তুলনা কৰি তেওঁক অধিক কম দামত মটৰ ক্ৰয় কৰাৰো পৰামৰ্শ দিছে। BFC Banner

FOLLOW US F
POPULAR
FEATURE
TRENDY
জাপানত প্ৰধানমন্ত্ৰী মোদীয়ে লাভ কৰিলে গাৰ্ড অৱ অনাৰ ;আপুনি জানেনে ইয়াৰ অৰ্থ কি ?
অভিনৱৰ পিছত অন্য এজন অসম সন্তানৰ অভিলেখ, কমনৱেলথ ভাৰোত্তোলনত বেদব্ৰতৰ স্বর্ণ
দেশৰ আটাইতকৈ কর্মদক্ষ মুখ্যমন্ত্রী ড° হিমন্ত বিশ্ব শর্মা ; ইণ্ডিয়া টুডে-চি ভোটাৰৰ 'মুড অব দ্য নেশ্যন' সমীক্ষা
ভোগেশ্বৰ বৰুৱা ৰাষ্ট্ৰীয় ক্রীড়া বঁটাৰ ট্ৰফী উন্মোচন
অসম চৰকাৰৰ উদ্যোগত অসমৰ প্ৰাক্তন মুখ্যমন্ত্ৰী গোলাপ বৰবৰাৰ জন্ম শতবাৰ্ষিকী অনুষ্ঠান
যৌতুকৰ বাবে মহিলাৰ মৃত্যু! ওলমি থকা অৱস্থাত উদ্ধাৰ সন্তানসম্ভৱা ইঞ্জিনীয়াৰৰ শৱদেহ
পৰকীয়া প্ৰেম! বিবাহিতা মহিলাৰ মুখত বিস্ফোৰক পাউডাৰ ঢালি দি হত্যা কৰিলে প্ৰেমিকে
হানীট্ৰেপিঙৰ চিকাৰ প্ৰতিষ্ঠিত সুৰা ব্যৱসায়ী! ৫ পৃষ্ঠাৰ ছুইচাইড নোট লিখি চৰম পন্থা গ্ৰহণ
৩১ আগষ্টত জিনপিঙৰে দ্বিপাক্ষিক বৈঠক প্রধানমন্ত্রী মোদীৰ
নির্বাচনী ডংকা বজাবলৈ আহিল অমিত শ্বাহ
আই এম এফৰ কাৰ্যবাহী সঞ্চালক হিচাপে নিযুক্তি আৰ বি আইৰ প্ৰাক্তন গৱৰ্ণৰ উৰ্জিত পেটেলক
ভাৰতীয় দম্পতীক তিনিটাকৈ সন্তান জন্ম দিয়াৰ আহ্বান
যৌতুকৰ বাবে মহিলাৰ মৃত্যু! ওলমি থকা অৱস্থাত উদ্ধাৰ সন্তানসম্ভৱা ইঞ্জিনীয়াৰৰ শৱদেহ
অসম চৰকাৰৰ উদ্যোগত অসমৰ প্ৰাক্তন মুখ্যমন্ত্ৰী গোলাপ বৰবৰাৰ জন্ম শতবাৰ্ষিকী অনুষ্ঠান