ডিজিটেল ডেস্কঃ আকৌ বিমানকাণ্ড৷ এইবাৰ বিমানৰ ভিতৰত ধূমপান কৰিবলৈ নিদিয়াৰ বাবে এগৰাকী মহিলা যাত্ৰীয়ে উলংগ হৈ প্ৰতিবাদ সাৱস্ত্য কৰে৷ মহিলা যাত্ৰীগৰাকীয়ে বিমানৰ কৰ্মচাৰীৰ সৈতে মাজ আকাশতে উলংগ হৈয়েই বিবাদত লিপ্ত হৈছিল। অভিযোগ কৰা হৈছে যে তেওঁ প্ৰতিবাদ কৰিবলৈ বিমানখনৰ ভিতৰত থকা আন যাত্ৰীসকলৰ সন্মুখতে কাপোৰ খুলিছিল।
ঘটনাৰ ইতি ইমানতে পৰা নাছিল, অভিযোগ অনুসৰি মহিলাগৰাকীয়ে বিমানখনৰ এজন পুৰুষ কৰ্মচাৰীক কামুৰিছিলো। কৰ্মচাৰীজনৰ আঘাত ইমানেই গুৰুতৰ আছিল যে বিমানখনে মাটি স্পৰ্শ কৰাৰ লগে লগে তেওঁ চিকিৎসকৰ ওচৰলৈ দৌৰিবলগীয়া হৈছিল।ঘটনাটো মস্কোলৈ যোৱা ৰাছিয়াৰ এখন বিমানত সংঘটিত হৈছে। বিমানখন ৰাছিয়াৰ ষ্টাভৰোপোল চহৰৰ পৰা মস্কোলৈ উৰা মাৰিছিল।
বিমান খনত যাত্ৰী হিচাবে গৈছিল ৪৯ বছৰীয়া এঞ্জেলিকা মুস্কুইটিনা । মাজ আকাশতে তেওঁ শৌচাগাৰৰ ভিতৰত ধূমপান কৰি আছিল। বিমানৰ কৰ্মচাৰীসকলে কথাটো জানিব পাৰি তেওঁক বাধা দিয়ে । তাতেই মহিলাগৰাকীয়ে খঙত হিতা-হিত জ্ঞান হেৰুৱাই পেলায় আৰু গাৰ কাপোৰ খুলিবলৈ আৰম্ভ কৰে৷ এনেদৰে সকলোৰে সন্মুখত তেওঁ কাপোৰ খুলি প্ৰতিবাদ কৰে৷
ঘটনাটোৰ এটা ভিডিঅ' ছচিয়েল মিডিয়াত ভাইৰেল হৈছে, য'ত মহিলা যাত্ৰীগৰাকীক উদং বুকুৰে বিমান কৰ্মীৰ সৈতে কাজিয়া কৰা দেখা গৈছে।মহিলাগৰাকীয়ে কোৱা শুনা গৈছে "মই মৰিব পাৰো, কিন্তু মই ধূমপান বন্ধ নকৰোঁ," । এয়াৰলাইন কৰ্তৃপক্ষই সন্দেহ কৰিছে যে মহিলাগৰাকী নিচাগ্ৰস্ত আছিল। এগৰাকী বিমান সেৱিকাই মহিলাগৰাকীক পোছাক পিন্ধাবলৈ গৈছিল। অভিযোগ অনুসৰি মহিলাগৰাকীয়ে তেওঁক জোৰেৰে কামুৰিছিল। বিমানখন মস্কো বিমানবন্দৰত অৱতৰণ কৰাৰ লগে লগে তেওঁক আৰক্ষীৰ হাতত গতাই দিয়া হয়৷
