ডিজিটেল ডেস্কঃ ভাৰতীয় ক্ৰিকেট দলৰ খেলুৱৈ মহেন্দ্ৰ সিং ধোনীক অৱসৰৰ পাছত প্ৰায়ে ক’ৰবাত ঘূৰি ফুৰা দেখিবলৈ পোৱা যায়। আন্তঃৰাষ্ট্ৰীয় ক্ৰিকেটৰ পৰা অৱসৰ লোৱাৰ পাছতো ধোনী ইণ্ডিয়ান প্ৰিমিয়াৰ লীগৰ অংশ হৈ আছে। ধোনিৰ অধিনায়কত্বতেই চেন্নাই ছুপাৰ কিংছে আই পি এল ২০২৩ খিতাপ দখল কৰিছিল। শেহতীয়াকৈ ধোনীৰ এটা ভিডিঅ’ পোহৰলৈ আহিছে। ইয়াত তেওঁক উৰাজাহাজত দেখিবলৈ পোৱা গৈছে। বিমানখনত এয়াৰ হোষ্টেছ এগৰাকীয়ে ধোনীক চকলেট উপহাৰ দিয়া দেখিবলৈ পোৱা গৈছে।
বিমানখনৰ এয়াৰ হোষ্টেছে এখন ট্ৰেত ধোনীলৈ বহুত কেইটা চকলেট আগবঢ়াই দিয়ে। কিন্তু ধোনীয়ে মাত্ৰ এটা চকলেটৰ পেকেট তুলি লয়। তেওঁ হাঁহি হাঁহি এয়াৰ হোষ্টেছগৰাকীলৈ সঁহাৰি আগবঢ়ায়। ধোনীৰ সৰলতাই সকলোৰে মুহিবলৈ সক্ষম হৈছে।
তাৎপৰ্যপূৰ্ণ কথাটো হ’ল, আইপিএল ২০২৩ৰ সময়তে শেষবাৰৰ বাবে খেলপথাৰত দেখা দিছিল ধোনীয়ে। তেওঁৰ দল চেন্নাইয়ে এইবাৰ খিতাপ দখল কৰে। ফাইনেলত চেন্নাইয়ে গুজৰাট টাইটানছক ৫ উইকেটত পৰাস্ত কৰে। এই মেচখন বৰষুণৰ বাবে প্ৰভাৱিত হৈছিল। প্ৰথমে বেটিং কৰাৰ সময়ত গুজৰাটে ২১৪ ৰান সংগ্ৰহ কৰিছিল। আনহাতে চেন্নাইয়ে ১৫ অভাৰত ১৭১ ৰান সংগ্ৰহ কৰি জয়লাভ কৰে।
Continue Reading
