ডিজিটেল ডেস্কঃ অৱশেষত মুখলৈ পানী আহিছে পাকিস্তানৰ প্ৰধানমন্ত্ৰী ইমৰান খানৰ। কিছু সকাহ পালে পাকিস্তানৰ প্ৰধানমন্ত্ৰী ইমৰাণ খানে। ইমৰাণ খানৰ বিৰুদ্ধে বিৰোধীয়ে অনা অনাস্থা প্ৰস্তাৱ দেওবাৰে নাকচ কৰিলে নেচনেল এচেম্বলীয়ে। এই অনাস্থা প্ৰস্তাৱক অসাংবিধানিক বুলি ঘোষণা কৰে উপাধ্যক্ষই। প্ৰস্তাৱ নাকচ হোৱাৰ পাছতেই প্ৰধানমন্ত্ৰীগৰাকীয়ে ৰাষ্ট্ৰক সম্বোধন কৰি কয় যে তেওঁ পাকিস্তানৰ ৰাষ্ট্ৰপতি আৰিফ অল্বীক নেচনেল এচেম্বলী ভংগ কৰাৰ বাবে আহ্বান জনাইছে আৰু নিৰ্বাচনৰ উপদেশ দিছে।
উল্লেখ্য যে অনাস্থা প্ৰস্তাৱক লৈ আলোচনা হোৱাৰ সময়ত প্ৰধানমন্ত্ৰী ইমৰান খান নেচনেল এচেম্বলীত উপস্থিত নাছিল।উপাধ্যক্ষৰ এই সিদ্ধান্তৰ পিছতে দেশবাসীক সম্বোধন কৰে ইমৰান খানে। ইমৰান খানে কয়, "অধ্যক্ষৰ সিদ্ধান্তৰ বাবে মই প্ৰতিজন পাকিস্তানীক অভিনন্দন জনাইছোঁ। অনাস্থা প্ৰস্তাৱটো আমাৰ বিৰুদ্ধে এটা বিদেশী ষড়যন্ত্ৰ আছিল। পাকিস্তানে নিজে সিদ্ধান্ত লোৱা উচিত তেওঁলোকক কোনে শাসন কৰিব লাগে।"
নেচনেল এচেম্বলীত পাক মন্ত্ৰী এইচ ফাৱাদ হুছেইনে (Pak minister Ch Fawad Hussain) অনাস্থা প্ৰস্তাৱৰ কঠোৰ ভাষাৰে সমালোচনা কৰে। তেওঁ কয়, "দুৰ্ভাগ্যবশতঃ এয়া হৈছে বিদেশী চৰকাৰৰ শাসন পৰিৱৰ্তনৰ বাবে এক কাৰ্যকৰী অভিযান।" অন্যহাতে ইমৰাণ খানে কয় যে এই সমগ্ৰ ঘটনাত বিদেশীৰ হাত আছে। বিৰোধীক সহায় কৰিছে বিৰোধীয়ে। উল্লেখ্য যে, কিছুদিন পূৰ্বেই সংখ্যাগৰিষ্ঠতা হেৰুৱাইল ইমৰাণ খানৰ চৰকাৰে। তাৰ পাছতেই ইমৰাণ খানৰ পদক লৈ আছিল অনিশ্চিয়তা।
Continue Reading
