ডিজিটেল ডেস্কঃ বৃহস্পতিবাৰে নিশা গুজৰাটত বিপৰ্যয় ঘূৰ্ণীবতাহে তাণ্ডৱ সৃষ্টি কৰে। যদিও ইয়াৰ ফলত ধ্বংসৰ ৰেখা আৰু ১০০০ গাঁও বিদ্যুৎ বিহীন হৈ পৰিল, তথাপিও কোনো লোকৰ ক্ষতি নহ’ল। উত্তেজনাপূৰ্ণ মুহূৰ্তৰ মাজতে উচ্চ বিপদজনক অঞ্চলসমূহৰ পৰা উলিয়াই অনা ১১৫২ গৰাকী অন্তঃসত্ত্বা মহিলাই জন্ম দিয়ে ৭০৭টা কেঁচুৱা।
উল্লেখ্য যে বিপৰ্যয়ৰ সতৰ্কতামূলক ব্যৱস্থা হিচাপে গুজৰাটৰ উপকূলীয় অঞ্চলৰ পৰা এক লাখৰো অধিক লোকক উলিয়াই অনা হয়। আঠখন জিলাৰ ১১৭১ গৰাকী গৰ্ভৱতী মহিলাৰ ভিতৰত প্ৰায় ১১৫২ গৰাকীক চৰকাৰে উলিয়াই আনে। ইয়াৰে ৭০৭ গৰাকী মহিলাই সন্তান জন্ম দিয়ে বুলি চৰকাৰী বিবৃতিত প্ৰকাশ পাইছে।
সৰ্বাধিক সংখ্যক গৰ্ভৱতী মহিলা কুচ জিলাৰ বাসিন্দা আৰু ইয়াত ৩৪৮টা কেঁচুৱাৰ জন্ম হৈছিল। ৰাজকোটত শতাধিক আৰু দেৱভূমি দ্বাৰকাত ৯৩টা কেঁচুৱাৰ জন্ম হয়।
চৰকাৰী বিবৃতিত কোৱা হৈছে যে গুজৰাটৰ চিকিৎসালয় আৰু স্বাস্থ্য কেন্দ্ৰত ৭০৭টা কেঁচুৱা সফলতাৰে প্ৰসৱ কৰা হৈছে। এই সমগ্ৰ অভিযানৰ সফলতা নিশ্চিত কৰিবলৈ ৩০২খন চৰকাৰী বাহন আৰু ২০২খন এম্বুলেন্সে দিনে-নিশাই কাম কৰিছিল বুলি লগতে কয়।
Continue Reading
