ডিজিটেল ডেস্কঃ সাপ হৈছে সৰীসৃপ প্ৰাণী। পৃথিৱীত বিষধৰ আৰু বিষহীন দুয়ো প্ৰকাৰৰ সাপেই দেখিবলৈ পোৱা যায়। কিছুমান বিষধৰ সাপৰ বিষ অতি মাৰাত্মক। এনে সৰ্পদংশনত তাৎক্ষণিক চিকিৎসা নল'লে মানুহৰ বা আন জীৱ জন্তুৰ মৃত্যু নিশ্চিত। সাপ দেখিলেই বহু লোকে ভয় খায়। বিষৰ বাবেই সাপ বিখ্যাত যদিও বেচিভাগ সাপেই বিষহীন।
মূলতঃ আত্মৰক্ষা আৰু চিকাৰৰ উদ্দেশ্যে সাপে বিষ ব্যৱহাৰ কৰে। কিছুমান বিষধৰ সাপৰ বিষ অতি মাৰাত্মক। এনে সৰ্পদংশন মানুহৰ বা আন জীৱ জন্তুৰ বাবে মৃত্যুঘাতী হ'ব পাৰে। অষ্ট্ৰেলিয়াত পোৱা ইনলেণ্ড টাইপান বিশ্বৰ ভিতৰতে আটাইতকৈ বিষাক্ত সাপৰ তালিকাৰ শীৰ্ষত আছে। অষ্ট্ৰেলিয়ান মিউজিয়ামৰ তথ্য অনুসৰি ইনলেণ্ড টাইপানক বিষাক্ত ভাইপাৰ বুলি কোৱা হয় আৰু ইয়াক বিশ্বৰ আটাইতকৈ বিষাক্ত সাপ হিচাপে জনা যায়।
সাপৰ বিষ LD50 স্কেলৰ বিষত জুখা হয়। ইয়াৰ দ্বাৰা সাপৰ বিষৰ শক্তি নিৰ্ণয় কৰা হয়। ব্রিষ্টল বিশ্ববিদ্যালয়ৰ স্কুল অৱ কেমিষ্ট্ৰীৰ ৱেবছাইট অনুসৰি আটাইতকৈ মাৰাত্মক সাপৰ তালিকাত ইনলেণ্ড টাইপানে শীৰ্ষস্থান দখল কৰিছে।
স্কুল অৱ কেমিষ্ট্ৰীয়ে জনোৱা মতে এই সাপটোৱে এটা কামোৰত ১১০মিলিগ্ৰাম বিষ ওলিয়ায়। অৰ্থাৎ এটা কামোৰতে ১০০ জনতকৈ অধিক লোক বা ২ লাখ ৫০ হাজাৰ নিগনি মৃত্যুমুখত পেলাব পৰা বিষৰ ক্ষমতা আছে ইনলেণ্ড টাইপানৰ।
Continue Reading
