বিশ্বৰ আটাইতকৈ চুটি নদীখনৰ নাম আৰু ক’ত আছে জানেনে? যাক খোজকাঢ়িও অতি সহজেই অতিক্ৰম কৰিব পাৰি

ডিজিটেল ডেস্ক : বিশ্বৰ আটাইতকৈ দীঘল নদীখনৰ কথা হয়টো সকলোৱে জানে। যিখন নদীৰ দৈৰ্ঘ্য ৬,৬৫০ কিলোমিটাৰ, কিন্তু বিশ্বৰ আটাইতকৈ সৰু নদীখনৰ বিষয়ে আপুনি জানেনে? এই নদীখনৰ দূৰত্ব মাত্ৰ ২০১ ফুট অৰ্থাৎ ৬১ মিটাৰ, যিটো খোজকাঢ়িও অতি সহজেই অতিক্ৰম কৰিব পাৰি।

উল্লেখ্য যে সমগ্ৰ বিশ্বতে শ শ নদী, উপ-নদী আছে, এই নদী, উপ-নদীসমূহৰ পাৰতে গঢ় লৈ উঠিছে মানৱ সভ্যতা। ইয়াৰ উপৰি এনে কিছুমান নদীৰ দৈৰ্ঘ্য শ শ কিলোমিটাৰ হোৱাৰ বিপৰীতে কিছুমান নদীৰ দৈৰ্ঘ্য অতি কম। যদি আমি পৃথিৱীৰ আটাইতকৈ দীঘল নদীৰ কথা কওঁ, তেন্তে সেয়া হ’ল আফ্ৰিকাত থকা নীল নদীখন, যাৰ দৈৰ্ঘ্য ৬,৬৫০ কি.মি. কিন্তু পৃথিৱীৰ আটাইতকৈ চুটি নদীখনৰ বিষয়ে আপুনি জানেনে? যিখন নদী উৎপত্তিস্থলৰ পৰা আৰম্ভ হৈ মাত্ৰ ৬১ মিটাৰ দূৰত্ব, যাক খোজকাঢ়িও অতি সহজেই অতিক্ৰম কৰিব পাৰি।

আৰু পঢ়ক : উগাণ্ডাৰ বিদ্যালয়ত ভয়ংকৰ আক্ৰমণ: ছাত্ৰ-ছাত্ৰীসহ ৪০ জন নিহত 

বিশ্বৰ আটাইতকৈ সৰু এই নদীখন আমেৰিকাৰ মন্টানা ৰাজ্যৰ মাজেৰে বৈ গৈছে। এই নদীখনৰ নাম 'ৰ' নদী। ১৯৮৯ চনত গিনিজ বুক অৱ ৱৰ্ল্ড ৰেকৰ্ডত ইয়াক বিশ্বৰ আটাইতকৈ চুটি নদী হিচাপে লিপিবদ্ধ কৰা হয়। নদীখনৰ মুঠ দৈৰ্ঘ্য ২০১ ফুট। ‘ৰ’ নদীৰ মুঠ দৈৰ্ঘ্য ২০১ ফুট অৰ্থাৎ ৬১ মিটাৰ। কেইছেকেণ্ডমানৰ ভিতৰতে খোজকাঢ়ি এই দূৰত্ব অতি সহজেই জুখিব পাৰি। পৃথিৱীৰ এই সৰু নদীখনৰ লিটিল বেল্ট মাউণ্টেন ৰেঞ্জৰ পৰা পানী আহে যদিও এই নদীখন মাটিৰ তলত বৈ যোৱা ঝৰ্ণাৰে গঠিত। এই নদীখন পাছলৈ মিছৌৰী নদীৰ লগত মিলিত হয়। মিছৌৰী নদী আমেৰিকাৰ আটাইতকৈ দীঘল নদী বুলি জনা যায়।

স্মৰ্তব্য যে বিশ্বৰ আটাইতকৈ চুটি নদীৰ মৰ্যাদা পূৰ্বে অৰেগনৰ ‘ডি ৰিভাৰ’ক দিয়া হৈছিল। সেই নদীখনৰ দৈৰ্ঘ্য আছিল প্ৰায় ৪৪০ ফুট। অৱশ্যে ২০১ ফুট দীঘল ৰ’ নদীখনে এই অভিলেখ ভংগ কৰি বিশ্বৰ আটাইতকৈ চুটি নদী হিচাপে পৰিগণিত হয়।