ডিজিটেল ডেস্কঃ মাজ আকাশতে উৰি থকা বিমানৰ দুৱাৰ যাত্ৰীয়ে খুলি দিয়াৰ ঘটনা ইতিমধ্যে বহুবাৰ ঘটিছে। কিন্তু এইবাৰ বিমানৰ দুৱাৰ নিজে নিজেই খুলি যোৱাৰ ঘটনাই আলড়ণৰ সৃষ্টি কৰিছে।ঘটনাটো ব্ৰাজিলত সংঘটিত হৈছে।
ব্ৰাজিলৰ মাৰানহাওৰ চাও লুইছৰ পৰা যাত্ৰা আৰম্ভ কৰা বিমান ফ্লাইট এমব্ৰেয়াৰ-১১০ ৰ দুৱাৰ খন মাজ আকাশতে খুলি যোৱাৰ ফলত যাত্ৰীৰ মাজত হুৱা-দুৱা লাগে। বিমান খনত আন যাত্ৰীৰ সৈতে প্ৰখ্যাত ব্ৰাজিলিয়ান গায়ক টিয়েৰি আৰু তেওঁৰ দলটোও আছিল।
ঘটনাটোৰ এটা ভিডিঅ' 'ব্ৰেকিং এভিয়েচন নিউজ এণ্ড ভিডিঅ' নামৰ এটা টুইটাৰ একাউণ্টত শ্বেয়াৰ কৰা হৈছে। অৱশ্যে, প্ৰাগ নিউজ ডিজিটেলে ভিডিঅ'টোৰ সত্যতা প্ৰমাণ কৰি চোৱা নাই। ভিডিঅ'টোত, বিমানখনৰ জৰুৰীকালীন দুৱাৰ খন খোলা থকা দেখা গৈছে। ফলত বিমানখনৰ ভিতৰত বতাহহো হোৱাই সোমাই যায়। এনে পৰিস্থিতিত ভাৰসাম্য হেৰুৱাই বিমান এখন দুৰ্ঘটনাগ্ৰস্ত হোৱাৰ আশংকা থাকে। সেয়ে বিমান খনৰ যাতৰীসকল আতংকিত হৈ পৰিছিল। এজন যাত্ৰীয়ে ঘটনাটোৰ চিত্ৰগ্ৰহণ কৰিছিল।সেই ভিডিঅ'টো এতিয়া সামাজিক মাধ্যমত ভাইৰেল হৈ পৰিছে।
পাইলটজনে বিমানখনৰ দুৱাৰ খোলাৰ বিষয়ে চাও লুই বিমানবন্দৰৰ এয়াৰ ট্ৰেফিক নিয়ন্ত্ৰণৰ সৈতে যোগাযোগ কৰিছিল। তাৰ পিছত তেওঁক জৰুৰী কালীন ভিত্তিত বিমানখন অৱতৰণ কৰিবলৈ নিৰ্দেশ দিয়া হৈছিল। পাইলটজনে বিমানখন সুৰক্ষিতভাৱে অৱতৰণ কৰিবলৈ সক্ষম হোৱা যাত্ৰীসকলৰ প্ৰাণ কথমপি ৰক্ষা পৰে।
Continue Reading
