ডিজিটেল ডেস্কঃ পশ্চিম উগাণ্ডাৰ এখন বিদ্যালয়ত সন্ত্ৰাসবাদীয়ে চলোৱা এক ভয়ংকৰ আক্মণত প্ৰায় ৪০ জন লোকনিহত হৈছে। নিহতসকলৰ ভিতৰত বেছিভাগেই ছাত্ৰ-ছাত্ৰী । মপণ্ডৱেৰ লুবিৰিহা মাধ্যমিক বিদ্যালয়ত হোৱা আক্ৰমণটোত আঠজন লোক গুৰুতৰ ভাবে আহত হৈছে।
এই আক্ৰমণৰ বাবে উগাণ্ডাৰ সন্ত্ৰাসবাদী গোট এলাইড ডেমক্ৰেটিক ফ'ৰ্চেছ (এডিএফ)ক সন্দেহ কৰা হৈছে।ৰাষ্ট্ৰীয় আৰক্ষীৰ মুখপাত্ৰ ফ্ৰেড এনাঙ্গাই কয় যে বহু মৃতদেহ বিৱেৰা চিকিৎসালয়লৈ স্থানান্তৰ কৰা হৈছে। শুকুৰবাৰে পশ্চিম উগাণ্ডাৰ কাচেজ জিলাৰ বিদ্যালয়খনত এই আক্ৰমণসংঘটিত হয়।বিদ্যালয়খনত ৬০ জনৰো অধিক লোক আছিল।এডিএফ বিদ্ৰোহীসকলে বিদ্যালয় খনৰ এটা ডৰমিটৰী জ্বলাই দিয়ে আৰু বিদ্যালয়ত থকা খাদ্যও লুটি নিয়ে।
উগাণ্ডাৰ সেনাৰ মেজৰ জেনেৰেল ডিক ওলামে সংবাদ মাধ্যমৰ আগত কয় যে নিহত সকলৰ বেছিভাগেই শিক্ষাৰ্থী। বিদ্যালয়খনৰ বহু কেইগৰাকী ছাত্ৰীক সন্ত্ৰাসবাদীয়ে অপহৰণ কৰি নিয়ে বুলিও তেওঁ কয়।
আক্ৰমণটোৰ ফলত বহু কেইটা মৃতদেহ বেয়াকৈ জ্বলি গৈছে। সেইবোৰ চিনাক্ত কৰিবলৈ ডিএনএ পৰীক্ষা কৰা প্ৰয়োজন হ'ব বুলি আৰক্ষীয়ে প্ৰকাশ কৰিছে।
Continue Reading
