বিশ্বৰ আটাইতকৈ ধনী ব্যক্তি আৰ্নাল্টৰ বিশাল সাম্ৰাজ্যৰ উত্তৰাধিকাৰী হ’ব কোন? সিদ্ধান্ত ল'বলৈ নিজৰ পাঁচ সন্তানৰ ইণ্টাৰভিউ লৈছে তেওঁ

লুই ভিট্টনৰ মুৰব্বীগৰাকীয়ে  তেওঁৰ বিশাল সাম্ৰাজ্য কাক হস্তান্তৰ কৰিব সেয়া সিদ্ধান্ত লোৱাৰ ক্ষেত্ৰত বিপাঙত পৰিছে। সেয়ে বাৰ্ণাৰ্ড আৰ্নাল্ট তেওঁৰ অনুপস্থিতিত আৰ্নাল্ট সাম্ৰাজ্যৰ গৰাকী কোন সেয়া বাছনি কৰিবলৈ এটা অডিচনৰ ব্যৱস্থা কৰিছে।বাৰ্ণাৰ্ড আৰ্নাল্টৰ পাঁচটা সন্তান আছে। তেওঁলোকৰ তিনিজনে ইতিমধ্যে তেওঁলোকৰ দেউতাকৰ মালিকানাধীন কোম্পানীবোৰত চিইঅ' পদত অধিষ্ঠিত হৈ আছে। আন দুটা সন্তানেও আৰ্নাল্টৰ বিভিন্ন কোম্পানীৰ  সৈতে জড়িত হৈ আছে।

 পৃথিৱীৰ আটাইতকৈ ধনী ব্যক্তিজনে তেওঁৰ ব্যৱসায়ৰ সকলো দায়িত্ব এই পাঁচজনৰ মাজৰে এজনক হস্তান্তৰ কৰাৰ পৰিকল্পনা কৰিছে। ১৯ এপ্ৰিলত বাৰ্ণাৰ্ড আৰ্নাল্টে ইলন মাস্কক অতিক্ৰম কৰি বিশ্বৰ আটাইতকৈ ধনী ব্যক্তি হয়।আৰ্নাল্টে কেনেকৈ তেওঁৰ উত্তৰাধিকাৰী বাছনি কৰিব? খবৰ  অনুসৰি তেওঁ মাহত এবাৰ কৈ সন্তানসকলৰ সৈতে দুপৰীয়াৰ আহাৰ খাবলৈ বহে। ডেৰ ঘণ্টাৰ বাবে আন কোনেও এই দুপৰীয়াৰ আহাৰৰ অনুষ্ঠানত প্ৰৱেশ কৰিব নোৱাৰে। খবৰ অনুসৰি দুপৰীয়াৰ আহাৰ আৰম্ভ হোৱাৰ আগতেবাৰ্ণাৰ্ড আৰ্নাল্টে তেওঁৰ আইপেডৰ সহায়ত  ব্যৱসায় সম্পৰ্কীয় কথাবোৰ তেওঁৰ পাঁচোজন সন্তানকে বুজায়৷ তাৰ পিছত তেওঁ এজন এজনকৈ প্ৰতিজন সন্তানকে  ব্যৱসায়টো কেনেদৰে  আৰু উন্নত কৰিব পাৰি সেই বিষয়ে প্ৰশ্ন কৰে৷   এনেদৰেই তেওঁ তেওঁৰ সন্তানৰ অডিচন লয়৷

 জনা গৈছে  যে পৃথিৱীৰ আটাইতকৈ ধনী ব্যক্তিজনে এতিয়াই কোনো সিদ্ধান্ত ল’বলৈ অনিচ্ছুক। সেয়ে হয়তো  অডিচন প্ৰক্ৰিয়া দীঘলীয়া সময়ৰ বাবে চলিব। অৱশ্যে, ফৰাচী কোটিপতিজনে কৈছে  যে তেওঁ তেওঁৰ ব্যৱসায়ৰ সকলো দায়িত্ব সেইগৰাকী সন্তানকে  হস্তান্তৰ কৰিব যিয়ে নিৰন্তৰ অডিচনত উত্তীৰ্ণ হোৱাৰ পিছত আটাইতকৈ যোগ্য হিচাবে প্ৰমাণিত হ'ব।