ডিজিটেল ডেস্কঃ এতিয়ালৈকে আপুনি নিশ্চয় চুৰিৰ বহু ঘটনাৰ কথা শুনিছে। কেতিয়াবা চিচিটিভিৰ ফুটেজত চোৰ ধৰা পৰে, কেতিয়াবা বছৰ বছৰ ধৰি গোচৰ চলি থকাৰ পিছতো চোৰ পুলিচৰ হাতত ধৰা নপৰে। আই পি এছ বিষয়া দীপাংশু কাবৰাই টুইটাৰত এটা ভিডিঅ’ শ্বেয়াৰ কৰিছে, য’ত সোণৰ চেইন চুৰ কৰা চোৰক দেখা পোৱা গৈছে। সোণৰ চেইনডাল চুৰি কৰি লৈ যোৱাৰ সম্পূৰ্ণ ফুটেজ ভিডিঅ’টোত দেখিবলৈ পোৱা গৈছে। পাছে এই চোৰক দেখিহে হাঁহি ৰখাব নোৱাৰা হৈছে মানুহবোৰে। ভিডিঅ’টো বৰ্তমান ভাইৰেল হৈ পৰিছে।
সোণৰ চেইন চুৰ কৰিলে পৰুৱাই
দেশত স্মাগলিং বন্ধ কৰিবলৈ অতি কঠোৰ আইন প্ৰণয়ন কৰা হৈছে। চোৰক ধৰিবলৈ আৰক্ষীয়ে পাতে নানা জাল। এইবাৰ পাছে চোৰ ধৰাৰ পাছতো চোৰক গ্ৰেপ্তাৰ নকৰিলে আৰক্ষীয়ে। আই পি এছ বিষয়া দীপাংশু কাবৰাই প্ৰায়ে আশ্চৰ্যজনক ভিডিঅ’ শ্বেয়াৰ কৰে। এইবাৰ তেওঁ শ্বেয়াৰ কৰিছে বিশ্বৰ আটাইতকৈ সৰু সৰু চোৰৰ চোৰাং ব্যৱসায়।
দীপাংশু কাবৰাই নিজৰ টুইটাৰ একাউণ্টত ৭ ছেকেণ্ডৰ এটা ভিডিঅ’ শ্বেয়াৰ কৰিছে। এই ভিডিঅ'টোত দেখা গৈছে কিছুমান পৰুৱা, যিয়ে সোণৰ চেইনডাল চুৰি কৰি লৈ গৈছে। এই ভিডিঅ'টো দেখি মানুহে আচৰিত হৈছে আৰু তেওঁলোকে নিজৰ চকুকে বিশ্বাস কৰিব পৰা নাই। এতিয়ালৈকে ডেৰ লাখতকৈ অধিক লোকে এই আচৰিত ভাইৰেল ভিডিঅ'টো চাইছে।
চাওক ভিডিঅ'
ইউজাৰ্ছসকলে নানা মন্তব্যৰে ভৰাই তুলিছে কমেণ্ট বক্স। বহুতে সুধিছে যে ইমানবোৰ চোৰৰ মাজৰ পৰা মূল অভিযুক্তক কেনেকৈ চিনাক্ত কৰা হ’ব। কিছুমানে সুধিছে আই পি চিৰ কোনটো ধাৰাত এই ক্ষুদ্ৰ চোৰাং সৰবৰাহকাৰীক শাস্তি দিয়া হব। এনেদৰে নানা হাস্যকৰ মন্তব্য কৰি ভিডিঅ'টোৰ আনন্দ লৈছে ইউজাৰ্ছসকলে।
Continue Reading
