বিশ্বৰ বিভিন্ন দেশে ভিন্ন পৰম্পৰাৰে পালন কৰে নৱবৰ্ষ, চাওঁ আহক কোন দেশত কেনেকৈ পালন কৰা হয় নৱবৰ্ষ?

ডিজিটেল ডেস্কঃ চাওঁতে চাওঁতে ২০২১ বৰ্ষটোৱে মেলানি মাগিবলৈ মাজত মাথোঁ কেইটামান ঘণ্টা। প্ৰত্যেকবাৰৰ দৰে ২০২২ বৰ্ষটোক আদৰিবলৈ সকলোৱে প্ৰস্তুতি চলাইছে। সমগ্ৰ ভাৰতৰ লগতে বিভিন্ন দেশত বি ভিন্ন ধৰণে নতুন বৰ্ষটোক আদৰাৰ প্ৰস্তুতি প্ৰায় তুংগত।

বিভিন্ন দেশত ভিন্ন পৰম্পৰাৰে নতুন বৰ্ষক আদৰণি জনায়। কোনো কোনো দেশত ফটকা বা আতচবাজী ফুটাই নৱবৰ্ষক আদৰণি জনোৱাৰ নিয়ম আছে যদিও জাপানত ঘণ্টা বজাই নতুন বছৰটোক স্বাগতম জনায়। সেয়ে জাপানত সেইদিনা ১০৮বাৰ ঘণ্টা বজাই নৱবৰ্ষক আদৰণি জনোৱা হয়। মান্যতা আছে যে, ১০৮বাৰ ঘণ্টা বজালে বছৰটো সুখ আৰু সমৃদ্ধিৰে ভৰি পৰে।
ব্ৰাজিলতো এক অদ্ভুত পদ্ধতিৰে নতুন বছৰক আদৰাৰ নিয়ম আছে। সেয়ে ব্ৰাজিলত সেইদিনা দাইল খাই নতুন বছৰটোক আদৰণি জনায়। আনহাতে স্পেইনতো এক পৃথক ধৰণে নৱবৰ্ষ পালন কৰে। স্পেইনৰ লোকসকলে নিশা ১২ বজাৰ লগে লগে (তাৰ সময় অনুযায়ী) ১২টা আঙুৰ খাই বছৰটোক আদৰণি জনায়। মান্যতা আছে যে ১২টা আঙুৰ খালে বছৰ ১২ মাহে শুভ হয়। দক্ষিণ আফ্ৰিকাৰ জোহান্সবাৰ্গৰ লোকসকলে পুৰণি অলাগতিয়াল আচবাব ঘৰৰ বাহিৰলৈ উলিয়াই পেলায়। তাৰ বাসিন্দাসকলৰ মতে পুৰণিক আঁতৰাই নতুনক আদৰাৰ এক অদ্ভুত পৰম্পৰা আছে।