বিশ্ব পৰিবেশ দিৱস উপলক্ষে প্ৰধানমন্ত্ৰী নৰেন্দ্ৰ মোদীয়ে ‘এক পেড় মা কে নাম’ অভিযানৰ শুভাৰম্ভ কৰে। প্ৰধানমন্ত্ৰী মোদীয়ে দিল্লীৰ বুদ্ধ জয়ন্তী উদ্যানত এটি আঁহত গছৰ পুলি ৰোপণ কৰে। তেওঁ আমাৰ গ্ৰহটোক সুৰক্ষিত কৰি তোলাত সকলোকে অৰিহণা যোগাবলৈয়ো আহ্বান জনায়

Listen to Article

2 min read

80%

ডিজিটেল ডেস্কঃ বিশ্ব পৰিবেশ দিৱস উপলক্ষে প্ৰধানমন্ত্ৰী নৰেন্দ্ৰ মোদীয়ে ‘এক পেড় মা কে নাম’ অভিযানৰ শুভাৰম্ভ কৰে। প্ৰধানমন্ত্ৰী মোদীয়ে দিল্লীৰ বুদ্ধ জয়ন্তী উদ্যানত এটি আঁহত গছৰ পুলি ৰোপণ কৰে। তেওঁ আমাৰ গ্ৰহটোক সুৰক্ষিত কৰি তোলাত সকলোকে অৰিহণা যোগাবলৈয়ো আহ্বান জনায় আৰু কয় যে যোৱা দশকত ভাৰতে অগণন সামূহিক প্ৰচেষ্টা গ্ৰহণ কৰিছে, যাৰ ফলত সমগ্ৰ দেশতে বনাঞ্চলৰ পৰিমাণ বৃদ্ধি পাইছে। এয়া বহনক্ষম উন্নয়নৰ দিশত প্ৰচেষ্টাৰ পৰিপূৰক বুলি মোদীয়ে লগতে কয়।

প্ৰধানমন্ত্ৰীগৰাকীয়ে এক্সত এইদৰে কয়; “আজি বিশ্ব পৰিবেশ দিৱসৰ দিনা ‘এক পেড় মা কে নাম’ অভিযানৰ শুভাৰম্ভ কৰি আনন্দিত হৈছোঁ। মই সকলোকে আহ্বান জনাব খুজিছোঁ, ভাৰতৰ লগতে সমগ্ৰ বিশ্বতে, আগন্তুক দিনসমূহত আপোনাসৱৰ মাতৃৰ প্ৰতি শ্ৰদ্ধা হিচাপে এটি গছপুলি ৰোপণ কৰে যেন। গছ ৰোপণৰ এখন ছবি শ্বেয়াৰ কৰিব।”

“আজি পুৱা মই প্ৰকৃতি মাতৃক ৰক্ষা কৰা আৰু বহনক্ষম জীৱনশৈলীৰ অভিযোজনাৰ প্ৰতি আমাৰ দায়বদ্ধতাৰ সৈতে সংগতি ৰাখি এটি গছপুলি ৰোপণ কৰিলোঁ। আপোনালোক সকলোকে আহ্বান জনাইছোঁ, আমাৰ গ্ৰহটোক উন্নত কৰাৰ ক্ষেত্ৰতো অৰিহণা যোগাই যেন। ‘এক পেড় মা কে নাম’ ”

“আপোনালোক সকলোকে এই কথাই আনন্দিত কৰিব যে যোৱা দশকত ভাৰতে অগণন সামূহিক প্ৰচেষ্টা গ্ৰহণ কৰিছে, যাৰ ফলত সমগ্ৰ দেশতে বনাঞ্চলৰ আৱৰণ বৃদ্ধি পাইছে। এয়া বহনক্ষম উন্নয়নৰ দিশত আমাৰ প্ৰচেষ্টাৰ পৰিপূৰক। স্থানীয় লোকসকলে এনে প্ৰচেষ্টাৰাজিলৈ যিদৰে সমৰ্থন আগবঢ়াইছে, সেয়াও প্ৰশংসনীয়।”