বিশ্বৰ শীৰ্ষ ১৫০খন বিশ্ববিদ্যালয়ৰ তালিকাত সংঘবদ্ধ ভাৰতৰ প্ৰখ্যাত শিক্ষানুষ্ঠান আইআইটি,বম্বে

এই কৃতিত্বৰ বাবে আই আই টি-বম্বেক অভিনন্দন জনাই কিউ এছ ৱৰ্ল্ড ইউনিভাৰ্চিটিৰ প্ৰতিষ্ঠাপক তথা মুখ্য কাৰ্যবাহী বিষয়া নুনজিঅ’ কোৱাৰেলিয়ে কয় যে ভাৰতীয় বিশ্ববিদ্যালয়সমূহৰ প্ৰদৰ্শন দেখি মই অতিশয় আনন্দিত হৈছো। এই বছৰ আমি ২৯০০ খন প্ৰতিষ্ঠানক ৰেংকিং লিষ্টত ৰাখিলোঁ আৰু ইয়াত ৪৫ খন ভাৰতীয় বিশ্ববিদ্যালয় আছিল যিবোৰ অতি ভাল আছিল। এই QS World University Ranking ত অন্তৰ্ভুক্ত হোৱা বিশ্ববিদ্যালয়ৰ তালিকাত যোৱা ৯ বছৰত ২৯৭ শতাংশ বৃদ্ধি পাইছে।উল্লেখ্য যে আই আই টি-বম্বেই ১৫০ৰ ভিতৰত ১৪৮ নম্বৰ স্থানত নিজৰ স্থান দখল কৰিছে। কিউ এছৰ চিইঅ’ নুনজিঅ’ কোৱাৰেলিয়ে কয় যে তেওঁ ২০২১ চনত দেশৰ প্ৰধানমন্ত্ৰী নৰেন্দ্ৰ মোদীক সাক্ষাৎ কৰিছিল আৰু সেই সময়ছোৱাত ভাৰতৰ উচ্চ শিক্ষাৰ উন্নতিৰ প্ৰতি মোদীৰ যি নিষ্ঠা আৰু দায়বদ্ধতা তাক লৈ তেওঁ অতিশয় সন্তুষ্ট।

এই সাফল্যত সুখ প্ৰকাশ কৰি কেন্দ্ৰীয় মন্ত্ৰী ৰাজীৱ চন্দ্ৰশেখৰে কয় যে আজিৰ সময়ত ভাৰতীয় বিশ্ববিদ্যালয়সমূহ বিশ্বমানৰ। তেওঁ আৰু কয় যে তেওঁ সুখী যে এই বছৰ QS World University Ranking ২০২৪ ৰ তালিকাত ভাৰতৰ পৰা ৪৫খন বিশ্ববিদ্যালয় আছিল। তেওঁ আৰু কয় যে বিগত ৯ বছৰত প্ৰধানমন্ত্ৰী মোদীয়ে দেশৰ শিক্ষা সন্দৰ্ভত বহু কাম কৰিছে।

মন কৰিবলগীয়া যে ১০০ নম্বৰৰ ভিতৰত ৫১.৭ নম্বৰ লাভ কৰে আই আই টি-বম্বেয়ে। যোৱাবাৰ আই আই টি-বম্বে ১৭৭ নম্বৰ স্থানত আছিল, যিটো এইবাৰ ১৪৯ নম্বৰলৈ উৰ্ধগামী হোৱা দেখা গৈছে।স্মৰ্তব্য যে, প্ৰথমবাৰৰ বাবে আই আই টি-বম্বেয়ে শীৰ্ষ ১৫০ খন বিশ্ববিদ্যালয়ৰ ভিতৰত স্থান দখল কৰিছে।