ডিজিটেল ডেস্কঃ ইছলাম ধৰ্মাৱলম্বী লোকসকলৰ বকৰিদ সমাগত৷বকৰিদৰ মাজতেই আহি পৰিছে এক আশ্চৰ্যজনক খৱৰ৷ৰাজস্থানৰ চুৰু জিলাৰ এজন ভেড়াৰখীয়াক তেওঁৰ ওচৰত থকা ভেড়াটোৰ বাবদ এক কোটি টকা আগবঢ়োৱা হৈছে৷
ভেড়াৰখীয়া ৰাজু সিঙে কয় যে তেওঁ নাজানে ভেড়া পোৱালিটোৰ শৰীৰত থকা সংখ্যাবোৰৰ অৰ্থ কি? কিন্তু মুছলমান সমাজৰ একাংশ লোকৰ লগত পৰামৰ্শ কৰি গম পালে যে জন্তুটোৰ শৰীৰত ‘৭৮৬’ লিখা আছে।সিঙে কয় যে যদিও ইয়াৰ অৰ্থ মুছলমানৰ বাবে বহুত, তথাপিও তেওঁ ইয়াক বিক্ৰী কৰিব নোৱাৰিলে কাৰণ জন্তুটো তেওঁৰ বাবে অতি স্নেহৰ৷
তেওঁ ক’লে, "যোৱা বছৰ মতা মেৰ পোৱালিটোৰ জন্ম হৈছিল, আৰু আজি মানুহে ইয়াক ক্ৰয় কৰিব বিচাৰিছে। আনকি মানুহে ভেড়া পোৱালিটোৰ বাবে ৭০ লাখ আৰু তাৰো অধিক টকা আগবঢ়াইছে, কিন্তু মই বিক্ৰী কৰিবলৈ সাজু হোৱা নাই।"
উল্লেখ্য যে বৃহৎ নিবিদাৰ পাছৰে পৰা ভেড়া পোৱালিটোৱে বিশেষ যত্ন লাভ কৰি আহিছে। ইয়াক ডালিম, বাজৰা আৰু সেউজীয়া শাক-পাচলি খুৱাই থকা হৈছে। সিঙে কয় যে তেওঁ নিৰাপত্তাজনিত কাৰণত নিজৰ ঘৰৰ ভিতৰতে ভেড়াৰ পোৱালিটো ৰাখিবলৈ আৰম্ভ কৰিছে।
Continue Reading
