‘বিশ্ব স্তনপান সপ্তাহ’ উপলক্ষে মাতৃ আৰু শিশুৰ বাবে স্তনপানৰ উপকাৰিতাসমূহ জানো আহক

ডিজিটেল ডেস্ক : আগষ্ট মাহৰ প্ৰথম সপ্তাহটো প্ৰতি বছৰে বিশ্ব স্তনপান সপ্তাহ হিচাপে পালন কৰা হয়। সমগ্ৰ বিশ্বতে উদযাপন কৰা এই সপ্তাহৰ উদ্দেশ্য হৈছে মানুহক বিশেষকৈ মহিলাসকলক স্তনপান কৰোৱাৰ বিষয়ে সজাগ কৰা। এয়া বিশ্বমানৰ বাৰ্ষিক অভিযান। এই বিশ্ব স্তনপান সপ্তাহটো প্ৰতিষ্ঠা কৰিছিল ৱৰ্ল্ড এলায়েন্স ফৰ ব্ৰেষ্টফিডিং একচনে। এই সংস্থাই ব্যক্তিসকলক তেওঁলোকৰ স্তনপান কৰা যাত্ৰাত সহায়-সহযোগ আৰু উৎসাহিত কৰাৰ বাবে কাম কৰে। একে সময়তে এই সংগঠন অনুসৰি পৃথিৱীৰ মুঠ শিশুৰ প্ৰায় ৪০ শতাংশইহে ৬ মাহৰ বাবে প্ৰয়োজনীয় স্তনপান কৰা সৌভাগ্য লাভ কৰে, বাকী ৬০ শতাংশ সন্তান ইয়াৰ পৰা বঞ্চিত হয়। স্তনপান সপ্তাহ উপলক্ষে শিশুটিৰ বাবে স্তনপান কৰোৱাৰ উপকাৰিতা জানো আহক।

 * ৰোগ প্ৰতিৰোধ ক্ষমতা শক্তিশালী হয়

* ডায়েৰিয়া, কোষ্ঠকাঠিন্য, গেষ্ট্ৰ’এণ্টেৰাইটিছ, গেষ্ট্ৰ’ইছ’ফেজিয়াল

* ৰিফ্লাক্স আদি প্ৰতিৰোধ কৰে

* চৰ্দি আৰু শ্বাস-প্ৰশ্বাসজনিত ৰোগ যেনে-নিউমোনিয়া, শ্বাস-প্ৰশ্বাসজনিত চিনচিটিয়াল ভাইৰাছ, হুপিং কাহ আদি প্ৰতিৰোধ কৰে

* সামগ্ৰিকভাৱে শিশুৰ কান্দোন হ্ৰায় পায়

*  শৈশৱৰ ৰোগৰ প্ৰাদুৰ্ভাৱ হ্ৰাস পায়

*  বেক্টেৰিয়াৰ মেনিনজাইটিছ প্ৰতিৰোধ কৰে

* চকুৰ ৰশ্মি উজ্জ্বল কৰে

* শিশুৰ অকাল মৃত্যুৰ হাৰ হ্ৰাস কৰে

* এলাৰ্জী, একজিমা আৰু হাঁপানী ৰোগ প্ৰতিৰোধ কৰে

* মেদবহুল হোৱাৰ সম্ভাৱনা কম কৰে

* মানসিক স্বাস্থ্য উন্নত কৰে

মাতৃৰ বাবেও স্তনপান কৰোৱাৰ উপকাৰিতাৰ বিষয়ে জানো আহক-

প্ৰসৱৰ পাছত মাতৃৰ ওজন দ্ৰুতগতিত হ্ৰাস পায়।জৰায়ুক সংকোচন কৰি স্বাভাৱিক আকাৰলৈ ঘূৰি অহাত সহায় কৰে। প্ৰসৱৰ পাছত ৰক্তক্ষৰণ হ্ৰাস কৰে। প্ৰস্ৰাৱৰ সংক্ৰমণ প্ৰতিৰোধ কৰে।ৰক্তহীনতাৰ সম্ভাৱনা কম কৰে। প্ৰসৱকালীনভাৱে হোৱা অৱসাদ দূৰ কৰা ইত্যাদি।