চিকিৎসা বৃত্তিৰ পৰা সন্ত্ৰাসবাদলৈ, কোন এই জাৱাহিৰী?

এক বিবৃতিত বিডেনে কয়: "মোৰ আদেশত শনিবাৰে কাবুলত ড্ৰোন আক্ৰমণ কৰা হৈছিল। এই আক্ৰমণত আল-কায়েদাৰ আমীৰ (প্ৰধান) আয়মান আল-জাৱাহিৰী নিহত হৈছে। 

উল্লেখ্য ২০২০ চনত  আফগানিস্তানৰ পৰা মাৰ্কিন  সৈন্য প্ৰত্যাহাৰক লৈ তালিবানৰ সৈতে আমেৰিকাযুক্ত ৰাষ্ট্ৰই এখন  চুক্তি কৰিছিল। ২০২১ চনৰ ৩১ আগষ্টত আফগানিস্তানৰ পৰা সৈন্য প্ৰত্যাহাৰ কৰাৰ পিছত আমেৰিকাই প্ৰথমবাৰৰ বাবে উগ্ৰপন্থীসকলক নিৰ্মূল কৰিবলৈ  আক্ৰমণ আৰম্ভ কৰিছে।

আফগানিস্তানৰ পৰা সৈন্য প্ৰত্যাহাৰৰ সন্দৰ্ভত বিডেনে কয়, "প্ৰায় ২০ বছৰৰ যুদ্ধৰ পিছত মই আফগানিস্তানৰ পৰা সেনা প্ৰত্যাহাৰ কৰিছিলো। "মই নাভাবো যে সেই দেশত হাজাৰ হাজাৰ আমেৰিকা যুক্তৰাষ্ট্ৰৰ সৈন্য মোতায়েন কৰাৰ কোনো কাৰণ নাই। কিন্তু আমি আফগানিস্তানত সন্ত্ৰাসবাদ বিৰোধী অভিযান অব্যাহত ৰাখিম বুলি সিদ্ধান্ত লৈছো।ইফালে, তালিবানে কাবুলত হোৱা আক্ৰমণৰ কথা স্বীকাৰ কৰিছে। দলটোৰ এজন মুখপাত্ৰ জাবিউল্লাহ মুজাহিদে আমেৰিকাই  কাবুলত আক্ৰমণ কৰি দোহা চুক্তি উলংঘা কৰাৰ অভিযোগ উত্থাপন কৰে।

১৯৮৮ চনত  পাকিস্তানৰ পেছাৱাৰত ইজিপ্তৰ চিকিৎসক জাৱাহিৰীয়ে ওছামা বিন লাদেনৰ সৈতে যুটীয়াভাৱে আল কায়েদা প্ৰতিষ্ঠা কৰে। আল কায়েদাৰ মুৰব্বী ওচামা বিন লাদেনক ২০১১ চনত পাকিস্তানত হত্যা কৰা হৈছিল। তাৰ পিছত, জাৱাহিৰীয়ে সংগঠনটোৰ দায়িত্বভাৰ গ্ৰহণ কৰে। ইয়াৰ পূৰ্বে পাকিস্তান আৰু আফগানিস্তানৰ একাধিক সূত্ৰৰ উদ্ধৃতি দি আৰৱ নিউজে প্ৰকাশ কৰিছিল যে আল-কায়দাৰ মুৰব্বী জন কেইবাদিনো ধৰি অসুস্থ হৈ আছিল। আমেৰিকা যুক্তৰাষ্ট্ৰৰ আক্ৰমণৰ ভয়ত তেওঁ চিকিৎসাৰ বাবে ক'লৈও যাব পৰা নাছিল ।১৯৫১ চনৰ ১৯ জুনত গিজাত নাগৰিক আয়মান আল-জাৱাহিৰীৰ জন্ম হৈছিল। ২০১১ চনৰ জুন মাহত, সেই বছৰৰ মে মাহত পাকিস্তানৰ এবটাবাদত আমেৰিকা যুক্তৰাষ্ট্ৰৰ অভিযানত তেওঁৰ পূৰ্বসূৰী ওচামা বিন লাডেনৰ হত্যাৰ পিছত তেওঁক আল-কায়েদাৰ দ্বিতীয় 'জেনেৰেল এমিৰ' হিচাপে ঘোষণা কৰা হয়।

তেওঁ অভিযান্ত্ৰিক বিষয়তো ডিগ্ৰী লাভ কৰিছিল, তেওঁৰ উত্তৰাধিকাৰীও উচ্চ শিক্ষিত আছিল। ৭১ বছৰীয়া জাৱাহিৰী এজন শল্য চিকিৎসকো আছিল আৰু তিনি বছৰ ইজিপ্তৰ সেনাবাহিনীত সেৱা আগবঢ়াইছিল।

 ১৯৯৮ চনত আল-জাৱাহিৰীয়ে ইজিপ্তিয়ান ইছলামিক জিহাদ (ইআইজে) প্ৰতিষ্ঠা কৰিছিল আৰু আল-কায়েদাৰ সৈতে একত্ৰিত হৈছিল। বিন লাদেনৰ এজন গুৰুত্বপূৰ্ণ সহায়ক হিচাপে তেওঁ কাম কৰিছিল।