ডিজিটেল ডেস্কঃ উদ্বেগজনক হাৰত দেশত বৃদ্ধি পাইছে কৰ’না। বিগত সময়ছোৱাত কৰ’না মহামাৰীৰ প্ৰকোপ সামান্য পৰিমাণে শাম কাটিলেও কিন্তু এইবাৰ পুনৰ অতিমাৰীৰ প্ৰকোপত ভীতি-সন্ত্ৰস্ত বিশ্বৰ নাগৰিক। সমগ্ৰ বিশ্বতে ২৪ ঘণ্টাত ৮ লাখ ৪২ হাজাৰ ৯৬৯ জন লোক আক্ৰান্ত হৈছে মহামাৰী কৰ’না ভাইৰাছত। মৃত্যু হৈছে এক হাজাৰ ১৯৫ জন লোকৰ।
ৱৰ্ল্ড’মিটাৰৰ তথ্য অনুসৰি, দেওবাৰে পুৱা ১০ বজালৈকে মুঠ কৰ’নাত আক্ৰান্ত লোকৰ সংখ্যা হৈছেগৈ ৫৬ কোটি ৭২ লাখ ৭৫ হাজাৰ ৫৬১ জন। মৃতকৰ সংখ্যা হৈছে ৬৩ লাখ ৮৭ হাজাৰ ৬৩ জন। আৰু মুঠ সুস্থ লোকৰ সংখ্যা হৈছে ৫৩ কোটি ৮৩ লাখ ১৬ হাজাৰ ৯৮৩ জন।
এতিয়ালৈকে আমেৰিকাত সৰ্বাধিক সংখ্যক লোক কৰ’নাক্ৰান্ত হৈছে আৰু মৃত্যু হোৱা লোকৰ সংখ্যাৰেও শীৰ্ষস্থানত আছে দেশখন। মুঠ আক্ৰান্তৰ সংখ্যা ৯ কোটি ১২ লাখ ৫০ হাজাৰ ৩৯২ জন। মুঠ ১০ লাখ ৪৮ হাজাৰ ৮২২ জন লোকৰ মৃত্যু হৈছে।
ইফালে, আক্ৰান্তৰ তালিকাৰ দ্বিতীয় আৰু মৃত্যুৰ তালিকাৰ তৃতীয় স্থান থকা ভাৰতত বৰ্তমানলৈ ৪ কোটি ৩৭ লাখ ৫০ হাজাৰ ৫৯৯ জন লোক কৰ’নাত আক্ৰান্ত হোৱাৰ বিপৰীতে ৫ লাখ ২৫ হাজাৰ ৭০৯ জন লোকৰ মৃত্যু হোৱাৰ খবৰ আহিছে।
আনহাতে, আক্ৰান্তৰ ক্ষেত্ৰত তৃতীয় আৰু মৃত্যুৰ ক্ষেত্ৰত দ্বিতীয় স্থানত থকা ব্ৰাজিলত এই পৰ্যন্ত মুঠ ৩ কোটি ৩২ লাখ ৯০ হাজাৰ ২৬৬ জন লোক আক্ৰান্ত হৈছে কৰ’নাত। মৃত্যু হৈছে ৬ লাখ ৭৫ হাজাৰ ৩৫৩ জন।
Continue Reading
