ডিজিটেল ডেস্কঃ ''ঐক্যবদ্ধ হ’বলৈ এইয়াই সোণালী সময়। এই পৰাজয় আশা কৰা নাছিলো। কিন্তু সমগ্ৰ পৰিস্থিতি সলনি কৰাৰ ক্ষমতা আমাৰ হাততেই আছে।’’- বিশ্বকাপৰ প্ৰথমখন মেচত চৌদী আৰৱৰ হাতত পৰাজীত হোৱাৰ পাছত এইদৰে প্ৰতিক্ৰিয়া ব্যক্ত কৰিলে আৰ্জেণ্টিনাৰ অধিনায়ক লিঅ’নেল মেছিয়ে।
মেচৰ শেষত সাংবাদিকৰ স’তে হোৱা কথা-বতৰাত মেছিয়ে কয় যে কেতিয়াও তেওঁলোকে ভবা নাছিল যে চৌদী আৰৱৰ হাতত পৰাজীত হ’ব। দলৰ প্ৰদৰ্শনক লৈ মেছিয়ে কয় যে দলে বৰ বেয়া খেলা নাই। পৰাজয়ৰ পৰা শিক্ষা লৈ সমুখলৈ আগুৱাই যাব বুলিও মেছিয়ে কয়।
''জানো অনেক মানুহে আমাৰ ওপৰত ভৰসা কৰে। কেৱল মই বা দল নহয়, এইয়া সকলো সমৰ্থকৰ বাবে বিৰাট এটা ধাক্কা।’’- মেছিয়ে কয়।
মেচখনৰ দ্বিতীয়াৰ্ধত আৰ্জেণ্টিনাৰ অনেক ভূল হোৱা বুলি মেছিয়ে অনুভৱ কৰে। কয় যে দ্বিতীয়াৰ্ধত তেওঁলোকৰ খাম-খেয়ালি হৈছিল। প্ৰথমৰ ফালে ভাল খেলিও পাছলৈ ধৰি ৰাখিব নোৱাৰিলে বুলি তেওঁ কয়।
'’কিন্তু এতিয়াতো ফলাফলৰ পৰিবৰ্তন কৰিব পৰা নাযাব। যি লক্ষ্য লৈ বিশ্বকাপত খেলিবলৈ আহিছো, সেয়া পূৰণ কৰাই আমাৰ লক্ষ্য।’’- মেছিয়ে কয়।
Continue Reading
