ডিজিটেল ডেস্কঃ ভাৰতত অনুষ্ঠিত হ’বলগীয়া এদিনীয়া বিশ্বকাপৰ বাবে বাংলাদেশে ১৫ জনীয়া দল ঘোষণা কৰিছে। অভিজ্ঞ অপেনিং বেটাৰ তামিম ইকবালক বাদ দিয়া হৈছে। কেইমাহমানৰ আগতে তেওঁ বাংলাদেশৰ এদিনীয়া দলৰ অধিনায়ক আছিল। সৌম্য সৰকাৰকো বাদ দিয়া হৈছে।
তামিমৰ সলনি তানজিম হাছানক দলত অন্তৰ্ভুক্ত কৰা হৈছে। এছিয়া কাপৰ মাজভাগত আঘাতৰ বাবে বাদ পৰা নাজমুল হোছেইন শান্তো দললৈ ঘূৰি আহিছে। বাংলাদেশ ক্ৰিকেট ব’ৰ্ডে অন্তৰ্ভূক্ত কৰিছে মাহমুদুল্লা ৰিয়াদক।
নিউজিলেণ্ডৰ বিৰুদ্ধে এদিনীয়া শৃংখলাৰ অন্তত বাংলাদেশৰ বিশ্বকাপৰ দল ঘোষণা কৰা হৈছে। বাংলাদেশৰ বিশ্বকাপৰ জাৰ্চিও প্ৰকাশ কৰা হৈছে।
বাংলাদেশ বিশ্বকাপ দল : চাকিব আল হাছান (অধিনায়ক), লিটন দাস, নাজমুল হোছেইন শান্তো (উপ অধিনায়ক), তাঞ্জিম হাছান চাকিব, মেহদি হাছান মিৰাজ, মাহমুদুল্লাহ ৰিয়াদ, তাঞ্জিদ হাছান তামিম, মুছফিকুৰ ৰহিম, মুস্তাফিজুৰ ৰহমান, তৌহিদ হৃদয়, তাস্কিন আহমেদ , হাছান মাহমুদ, শ্বৰীফুল ইছলাম, নাছুম আহমেদ, মেহদি হাছান।
Continue Reading
