ডিজিটেল ডেস্কঃ ৰাজকোটত অষ্ট্ৰেলিয়াৰ বিৰুদ্ধে খেলি অভিলেখ অৰ্জন কৰিলে ৰোহিত শৰ্মাই। আন্তঃৰাষ্ট্ৰীয় ক্ৰিকেটত তেওঁ ৫৫০ টাকৈ ছিক্সাৰ মাৰিলে। কমকৈ মেচ খেলি এই অভিলেখ অৰ্জনেৰে তেওঁ অতিক্ৰম কৰে ক্ৰীছ গেইলক। অৱশ্যে সৰ্বাধিক ছয়ৰ তালিকাত এতিয়াও প্ৰথম স্থানত আছে কেৰিবিয়ান ক্ৰিকেটাৰগৰাকী।
ইউনিভাৰ্ছ বছ নামেৰেও জনাজাত ক্ৰিছ গেইল। আন্তঃৰাষ্ট্ৰীয় ক্ৰিকেটত (টেষ্ট, এদিনীয়া আৰু টি-২০ একেলগে) ৫৫০টাতকৈ অধিক ছয় কৰা একমাত্ৰ ক্ৰিকেটাৰ। ৰোহিতে ৪৫১খন মেচত ৫৫০টা ছয় কৰে। গেইলতকৈ কম মেচ খেলি ৰোহিতে ৫৫০টা ছয় কৰে। তেওঁ ৪৮৩খন মেচ খেলি ৫৫৩টা ছয় কৰে। আন্তঃৰাষ্ট্ৰীয় ক্ৰিকেটত সেয়াই সৰ্বোচ্চ।
ৰোহিতৰ বাহিৰে আন কোনো ক্ৰিকেটাৰ বৰ্তমান আন্তঃৰাষ্ট্ৰীয় ক্ৰিকেটত ৫৫০টা ছয় মৰাৰ ওচৰ চাপিব পৰা নাই। তৃতীয় স্থানত আছে শ্বাহিদ আফ্ৰিদি। পাকিস্তানৰ বেটছমেনে ৪৭৬ টা ছয় মাৰিছিল।
ৰোহিতে এই পৰ্যন্ত ৫২ খন টেষ্ট, ২৫১ খন এদিনীয়া আৰু ১৪৮ খন টি-২০ মেচ খেলিছে। ইয়াৰ ভিতৰত ভাৰতীয় অধিনায়কগৰাকীয়ে টেষ্টত ৭৭টা ছয়, এদিনীয়াত ২৯১টা ছয় আৰু টেষ্টত ১৮২টা ছয় কৰিছে।
ভাৰতীয়ৰ ভিতৰত সৰ্বাধিক ছয়ৰ তালিকাত ৰোহিতৰ পিছতে দ্বিতীয় স্থানত আছে মহেন্দ্ৰ সিং ধোনী। আন্তঃৰাষ্ট্ৰীয় ক্ৰিকেটত ভাৰতৰ প্ৰাক্তন অধিনায়কগৰাকীয়ে ৩৫৯ টা ছয় মাৰিছিল।
Continue Reading
