বিশ্বকাপ জিকি কিমান কোটি টকা লাভ কৰিব ইংলেণ্ডে? কিমান পাব ভাৰত, পাকিস্তান আৰু নিউজিলেণ্ডে?

ডিজিটেল ডেস্কঃ টি২০ বিশ্বকাপ বিজয় কৰিলে মহাপ্ৰতাপী ইংলেণ্ডে। আধৰুৱা হৈ ৰ’ল বাবৰ আজমৰ সপোন। বিশ্বকাপৰ ফাইনেলত উপনীত হোৱাৰ পাছতে ইংলেণ্ড অথবা পাকিস্তান- দুয়োখন দেশেই লাভ কৰিছে মোটা অংকৰ টকা। চাও আহক, বিশ্বকাপত কিমান টকা অৰ্জন কৰিলে দুয়োখন দেশে।

চেম্পিয়ন হোৱাৰ বাবে ইংলেণ্ডে বিশ্বকাপৰ পুৰষ্কাৰ হিচাপে লাভ কৰিছে ১৬ লাখ ডলাৰ। ভাৰতীয় মূল্যত প্ৰায় ১৩ কোটি। তদুপৰি ফাইনেল বাদেও সমগ্ৰ বিশ্বকাপখনখনৰ পৰা ইংলেণ্ডে লাভ কৰিছে মুঠ ১৪ কোটি টকা।

ৰাণাৰ্ছ আপ পাকিস্তানে লাভ কৰিব ৮ লাখ ডলাৰ। ভাৰতীয় মূল্যত চাড়ে ছয় কোটিৰ ওচৰাওচৰি। তদুপৰি ফাইনেল বাদেও সমগ্ৰ বিশ্বকাপখনৰ পৰা মুঠ চাৰে সাত কোটি টকা অৰ্জন কৰিছে দলটোৱে।

আনহাতে, ভাৰত আৰু নিউজিলেণ্ডে চেমিফাইনেলত উপনীত হোৱাৰ বাবে সমগ্ৰ বিশ্বকাপখনত লাভ কৰিব চাৰে সাত কোটি টকা। দলসমূহৰ উপৰিও বেন ষ্টকছ, জছ বাটলাৰেও এইবাৰৰ বিশ্বকাপত কোটি কোটি টকা অৰ্জন কৰিছে।