ডিজিটেল ডেস্কঃ যোৱাবাৰৰ বিশ্বকাপৰ ফাইনেলত দেখা গৈছিল এক অদ্ভুত নিয়ম। ৫০ অভাৰৰ মেচ আৰু ছুপাৰ অভাৰ দুয়োটাতে স্ক’ৰ সমান হ’লে অধিক বাউণ্ডেৰী কোবোৱা দলটোৱেই জয়ী হ’ব। সেই নিয়ম ব্যৱহাৰ কৰি নিউজিলেণ্ডক পৰাস্ত কৰি ইংলেণ্ডে ট্ৰফী লাভ কৰে। কিন্তু এই বিতৰ্কিত নিয়ম এইবাৰ বিশ্বকাপত দেখা নাযাব।
বিগত বিশ্বকাপৰ ফলাফলৰ পিছতেই তীব্ৰ সমালোচনাৰ সন্মুখীন হ’ল আই চি চি। ইংলেণ্ডে বিশ্বকাপ ‘চুৰি’ বুলিও অভিযোগ উত্থাপন হৈছিল। প্ৰশ্ন উত্থাপন হ’ল যে দুয়োটা দলৰ যুঁজখন নেদেখি অধিক বাউণ্ডেৰী স্ক’ৰ কৰাৰ ভিত্তিত এটা দলক কিয় জয়ৰ সন্মান দিয়া হ’ব। ২০১৯ চনৰ অক্টোবৰ মাহত তীব্ৰ চাপত আইচিচিয়ে এই নিয়ম আঁতৰোৱাৰ কথা ঘোষণা কৰে।
তেনে ক্ষেত্ৰত যদি এখন মেচত দুয়োটা দলৰ ৫০ অভাৰ আৰু ছুপাৰ অভাৰৰ স্ক’ৰ সমান হয়, তেন্তে কি কৰা হ’ব? আইচিচিয়ে কয় যে, তেনে ক্ষেত্ৰত আৰু এটা ছুপাৰ অভাৰ খেলা হ’ব। যেতিয়ালৈকে মেচৰ ফলাফল উপলব্ধ হ’ব তেতিয়ালৈকে ছুপাৰ অভাৰ চলি থাকিব।
যোৱাবাৰৰ ফাইনেলত নিউজিলেণ্ডৰ বেটছমেনসকলে মুঠ ১৪টা বাউণ্ডেৰী মাৰিছিল। ৰান চেজত ইংলেণ্ডে ২২টা বাউণ্ডেৰী আঘাত কৰে।
Continue Reading
