ডিজিটেল ডেস্কঃ চলিত বিশ্বকাপৰ প্ৰথমখন মেচতে বিৰাট কোহলীয়ে অভিলেখ গঢ়িবলৈ সক্ষম হয়। ভাৰতীয় প্রাক্তন অধিনায়কগৰাকীয়ে অষ্ট্ৰেলিয়াই বেটিং কৰি থকাৰ সময়তে এদিনীয়া বিশ্বকাপত ভাৰতীয় খেলুৱৈ হিচাপে সৰ্বাধিক কেচ ধৰাৰ অভিলেখ গঢ়িবলৈ সক্ষম হয়। অনিল কুম্বলেৰ অভিলেখ ভংগ কৰে তেওঁ।
এদিনীয়া বিশ্বকাপত সৰ্বাধিক কেচ লোৱাৰ অভিলেখ আছিল কুম্বলে। তেওঁ ১৪টা কেচ লৈছিল। বিৰাটে ১৫ টা কেচ ধৰিছে। অৱশ্যে সকলো দেশৰ ভিতৰতে শীৰ্ষত আছে ৰিকি পণ্টিং। অষ্ট্ৰেলিয়াৰ বিশ্বকাপ বিজয়ী অধিনায়কগৰাকীয়ে ২৮টা কেচ ধৰিছিল। ইংলেণ্ডৰ জো ৰুটে এইবাৰ বিশ্বকাপত শীৰ্ষস্থান দখল কৰাৰ সুযোগ লাভ কৰিছে। এদিনীয়া মেচত তেওঁ এতিয়ালৈকে ২০টা কেচ লৈছে। এই তালিকাত ১১ নম্বৰ স্থানত আছে বিৰাট।
পণ্টিঙৰ পিছতে তৃতীয় স্থানত আছে ৰুট আৰু সনাথ জয়সূৰিয়া। শ্ৰীলংকাৰ প্ৰাক্তন অধিনায়কগৰাকীয়ে ১৮টা কেচ লয়। ক্ৰীছ গেলে ১৭টা কেচ লয়। ১৬টা কেচ লয় ফাফ ডুপলেছিছ, ক্ৰীছ কেয়াৰ্নছ, ইয়ন মৰ্গান, ইনজামাম উল হক, বায়ৰ্ন লাৰা আৰু মাহেলা জয়ৱৰ্ধনে। আটাইকেইজনেই ক্ৰিকেটৰ পৰা অৱসৰ লৈছে। ভিৰাটৰ বাহিৰেও দক্ষিণ আফ্ৰিকাৰ প্ৰাক্তন অধিনায়ক গ্ৰেম স্মিথে বিশ্বকাপত ১৫টা কেচ লয়।
৫ অক্টোবৰৰ পৰা আৰম্ভ হৈছে এই বিশ্বকাপ। দেওবাৰে অষ্ট্ৰেলিয়াৰ বিৰুদ্ধে খেলিছে ভাৰত। পেট কামিন্সৰ দলটোৱে প্ৰথমে বেটিং কৰিছে। তৃতীয় অভাৰত যশপ্ৰীত বুমৰাহৰ অফ ষ্টাম্পৰ বাহিৰত বল পাঞ্চ কৰি মিচেল মাৰ্ছে আউট হয়। বিৰাটে স্লিপত বাওঁফালে জপিয়াই কেচটো লয়। অষ্ট্ৰেলিয়ান অ’পেনাৰ আউট ন’ ৰান।
Continue Reading
