ডিজিটেল ডেস্কঃ অভিলেখৰ পাছত অভিলেখ গঢ়া গৈছে এইবাৰৰ বিশ্বকাপত। এইবাৰ দক্ষিণ আফ্ৰিকাই সৰ্বাধিক দলীয় ৰানৰ নজিৰ গঢ়ি তুলিছে। শনিবাৰে দিল্লীত শ্ৰীলংকাৰ বিৰুদ্ধে ৫ উইকেটত ৪২৮ ৰান সংগ্ৰহ কৰে। এদিনীয়া বিশ্বকাপত তেওঁলোকে অষ্ট্ৰেলিয়াৰ অভিলেখ ভংগ কৰে। কেৱল সেয়াই নহয়, বিশ্বকাপত দক্ষিণ আফ্ৰিকাই তিনিবাৰকৈ ৪০০ বা তাতকৈ অধিক ৰান সংগ্ৰহ কৰে।
এতিয়ালৈকে এদিনীয়া বিশ্বকাপত এটা দলে সৰ্বাধিক ৰান সংগ্ৰহৰ অভিলেখ অষ্ট্ৰেলিয়াৰ হাতত আছিল। ২০১৫ চনৰ বিশ্বকাপত পাৰ্থত আফগানিস্তানৰ বিৰুদ্ধে ৪১৭-৭ কৰিছিল। দক্ষিণ আফ্ৰিকাই সেই নজিৰ ভংগ কৰিলে। এই তালিকাত তৃতীয় স্থানত আছে ভাৰত। ২০০৭ চনৰ বিশ্বকাপত প’ৰ্ট অৱ স্পেইনত বাৰ্মুডাৰ বিৰুদ্ধে ভাৰতে ৪১৩-৫ ৰান কৰিছিল।
ইয়াৰ পিছত দক্ষিণ আফ্ৰিকাই শীৰ্ষ পাঁচটা স্থানৰ ভিতৰত দুটা স্থান দখল কৰে। দুয়োটা ২০১৫ চনত কৰিছিল। কেনবেৰাত আয়াৰলেণ্ডৰ বিৰুদ্ধে ৪১১-৪ ৰান কৰে। ইয়াৰ পিছত ছিডনীত ৱেষ্ট ইণ্ডিজৰ বিৰুদ্ধে ৪০৮-৫ ৰান কৰে।
দক্ষিণ আফ্ৰিকাৰ হৈ শনিবাৰে তিনিজন বেটছমেনে শতক অৰ্জন কৰে। কুইণ্টন ডি ককে শতক অৰ্জন কৰি মুকলি কৰে। মাৰ্কুটত ৰাছি ভান ডেৰ ডুচেনৰ পাছত আইডেন মাৰ্ক্ৰামে আক্ৰমণাত্মকভাৱে শতক অৰ্জন কৰে।
Continue Reading
