ডিজিটেল ডেস্কঃ পুনৰ পিতৃ হ’ল নেইমাৰ জুনিয়ৰ ।কন্যা সন্তানৰ পিতৃ হ’ল নেইমাৰ । খেলুৱৈগৰাকীয়ে নৱজাতকৰ এখন ফটোও সামাজিক মাধ্যমত পোষ্ট কৰিছে।
শনিবাৰে পুৱা, ব্ৰাজিলিয়ান পোষ্টাৰ বয়ে এক্স হেণ্ডেলত চাৰিখন ছবি পোষ্ট কৰিছে। ফটোত নৱজাতক আৰু প্ৰেমিকা ব্ৰুনা বিয়াংকাৰ্ডিকো দেখা গৈছে। নেইমাৰ জুনিয়ৰে লিখিছে, "মাভি আমাৰ জীৱন ভৰাই তুলিবলৈ আহিছে। তোমাক স্বাগতম, কন্যা। মই তোমাক বহুত ভালপাওঁ। আমাক বাছনি কৰাৰ বাবে ধন্যবাদ।’’
নেইমাৰ জুনিয়ৰ আৰু তেওঁৰ প্ৰেমিকা ব্ৰুনাৰ অন্তৰত এতিয়া আনন্দৰ লহৰ বৈ গৈছে। শ্বেয়াৰ কৰা এটা ভিডিঅ'ত, তেওঁলোকক নৱজাতক মাভিক চুম্বন কৰা দেখা গৈছে। ফটো প্ৰকাশৰ পিছতে অনুৰাগীয়ে নেইমাৰ আৰু ব্ৰুনাক শুভেচ্ছাৰে ওপচাই দিছে। মাভিৰ ছবিখন দেখি বহুলোকে লিখিছে, "স্বাগতম মাভি। ঈশ্বৰে তোমাক আশীৰ্বাদ কৰক। কি সুন্দৰ মুহূৰ্ত।
আল হিলালৰ ষ্ট্ৰাইকাৰজনে ব্ৰুনাৰ সৈতে দীৰ্ঘদিন ধৰি প্ৰেমৰ সম্পৰ্ক বজাই ৰাখিছে। কিন্তু সেই কথা তেওঁলোকে গোপন ৰাখিছিল। অৱশ্যে যোৱা বছৰ খেলুৱৈগৰাকীয়ে তেওঁৰ প্ৰেমিকাৰ সৈতে ইনষ্টাগ্ৰামত এখন ফটো পোষ্ট কৰিছিল। তেতিয়াই জনা গৈছিল যে নেইমাৰে ব্ৰুনাৰ প্ৰেমত ডুব গৈ আছে। এতিয়া নেইমাৰে ব্ৰুনাৰ সন্তানৰ পিতৃ হোৱাৰ খবৰো প্ৰকাশ কৰিছে।
নেইমাৰ জুনিয়ৰ পূৰ্বৰে পৰা এটি সন্তানৰ পিতৃ। ২৪ আগষ্ট, ২০১১ তাৰিখে ফুটবলৰ কিংবদন্তীগৰাকীৰ বান্ধৱী কেৰোলিনা ডেণ্টাছে দাভি লুক্কাক জন্ম দিছিল। ২০১১ চনত তেওঁলোকৰ বিচ্ছেদ হোৱা স্বত্বে, অন্ততঃ তেওঁলোকৰ সন্তানৰ বাবে তেওঁলোক দুয়োজনে ইজনে সিজনৰ সৈতে সম্পৰ্ক ৰাখিছে ।
Continue Reading
