ডিজিটেল ডেস্কঃ বিশ্বকাপৰ পৰা বাহিৰ হ’ল ব্ৰাজিল ৷ অতিৰিক্ত সময়ত নেইমাৰৰ গ'লটোৱেও সহায় কৰিব নোৱাৰিলে দলটোক। টাইব্ৰেকাৰত ক্ৰোৱেছিয়া ৪-২ গ'লত বিজয়ী হয়।বিশ্বকাপৰ পৰা প্ৰস্থান কৰাৰ পিছত টিটে ব্ৰাজিলৰ মুখ্য প্ৰশিক্ষকৰ পদৰ পৰা পদ ত্যাগ কৰিছে। শুক্ৰবাৰে খেলখনৰ পিছত তেওঁ এখন সংবাদমেলত তেওঁৰ সিদ্ধান্তৰ কথা ঘোষণা কৰে।
টিটে ছয় বছৰৰ বাবে ব্ৰাজিলৰ প্ৰশিক্ষকৰ পদত আছিল। তেওঁৰ অধীনত ব্ৰাজিলে ২০১৮ আৰু ২০২২ চনত দুবাৰকৈ বিশ্বকাপৰ কোৱাৰ্টাৰ ফাইনেলৰ পৰা বাহিৰ হৈছে।খেলখনৰ পিছত, টিটেই কয় , "এই পৰাজয় স্বীকাৰ কৰাটো বেদনাদায়ক। মই এইবাৰ শান্তিত থাকিব বিচাৰো। মোক দিয়া সকলো দায়িত্ব শেষ হৈছে। ডেৰ বছৰ আগতে, মই কৈছিলো যে বিশ্বকাপৰ ফলাফল যিয়েই নহওঁক, মই আৰু দায়িত্বত নাথাকিম। মই দুটা কথাৰ মানুহ নহওঁ। মই কোনো ধৰণৰ নাটক কৰি দায়িত্বত থাকিব নিবিচাৰো। যিসকলে মোক জানে তেওঁলোকে জানে যে মই এটা কথাৰ মানুহ। "
২০১৪ চনৰ বিশ্বকাপত ডুঙ্গা ব্ৰাজিলৰ প্ৰশিক্ষক আছিল।তেওঁ শেষত চাকৰি হেৰুৱাইছিল৷ কিয়নো ব্ৰাজিলে ইখনৰ পিছত সিখন মেচত কেৱল পৰাজয়ৰ মুখ দেখিছিল। তেওঁৰ পিছত ব্ৰাজিলৰ ঘৰুৱা ফুটবলৰ বিষয়ে ভাল জ্ঞান থকা টিটক অনা হৈছিল। কিন্তু টিটয়ো ব্ৰাজিলবাসীৰ শা পূৰণ কৰিব নোৱাৰিলে৷
ব্ৰাজিলে টিটৰ অধীনত ৮১ খন খেল খেলিছে। ইয়াৰে ৬০ খনত দলটো জয়ী হৈছে৷ ১৫ খন মেচ ড্ৰ হৈছে। তেওঁলোকে মাত্ৰ ৬ খন মেচত পৰািত হৈছে৷ এই খেলসমূহত ব্ৰাজিলে ১৭৪ টা গ'ল কৰিছিল আৰু ৩০টা গ’ল খাইছিল।
Continue Reading
