ডিজিটেল ডেস্কঃ বিশ্বকাপৰ পৰা আতৰিল পাকিস্তান। নিজৰ দেশৰ প্ৰতি বিতৃষ্ণাৰ পাছত এইবাৰ ক্ৰিকেট খেলৰ ওপৰতেই খং উঠিল শ্বোৱেইব আখতাৰৰ। পাকিস্তানৰ প্ৰাক্তন বেগী বলাৰগৰাকীৰ মতে, আজিৰ ক্ৰিকেটত প্ৰতাৰণা প্ৰৱল ৰূপত দেখা যায়।
শ্বোয়াইবৰ প্ৰশ্ন- ''শ্বেন ৱাৰ্ণ, ৱাছিম আক্ৰাম, ৱাকাৰ ইউনিছ বা ছাকলাইন মুস্তাকৰ দৰে বলাৰ ক’ত? সেইসকলক লৈ আহিব লাগে। তেতিয়া বুজিব পৰা যাব বৰ্তমানৰ বেটছমেনৰ শক্তি।’’ তেওঁ এইক্ষেত্ৰত শচীন তেণ্ডুলকাৰ, ইনজামাম-উল-হক, মহম্মদ ইউছুফ, জাক কালিছক প্ৰশংসা কৰে।
ইউটিউবত এটা অনুষ্ঠানত শ্বোৱেইবে কয়- ''আজিৰ ক্ৰিকেটত প্ৰতাৰণা দেখা গৈছে। তিনিদিনত দুটা নতুন বল লোৱা হয়। আজিৰ ক্ৰিকেটত কেৱল প্ৰতাৰণাহে চলি আছে। এই কাৰণেই মই শচীনৰ দৰে ক্ৰিকেটাৰক ইমান সন্মান কৰো। এইবাবেই মই ইনজামাম বা ইউছুফ বা কালিছক ভাল পাওঁ।”
পূৰ্বৰ খেল আৰু বৰ্তমানৰ খেলৰ মাজত কিয় ইমান পাৰ্থক্য আছে সেই কথা বুজাই দি শ্বোৱেইবে কয় যে, “আগতে খেলখন লাহে লাহে খেলা হৈছিল। তেতিয়া ৬ জন ফিল্ডাৰ সদায় ৩০ গজৰ বৃত্তৰ বাহিৰত আছিল। তাৰ পাছতো শচীনে শতক অৰ্জন কৰিছিল। বৰ্তমানৰ ক্ৰিকেটাৰসকলক চাওঁক।"
আধুনিক ক্ৰিকেটাৰৰ জীৱনশৈলীক লৈও তেওঁ প্ৰশ্ন উত্থাপন কৰে। ক'লে, "মই তোমালোকৰ বাবে সুখী। টকা উপাৰ্জন কৰি আছে। ফ'ল'ৱাৰ বৃদ্ধি হৈছে। মোৰ ঈৰ্ষা নাই। কিন্তু প্ৰথমে সেই যুগৰ বলাৰসকলক খেলক। আপুনি সন্মান পাব।”
Continue Reading
