ডিজিটেল ডেস্কঃ যি ট্ৰফী খেলুৱৈসকলে গোটেই জীৱন অপেক্ষা কৰি থাকে, সেই ট্ৰফীৰ ওপৰতে দুয়োখন ভৰি তুলি ফটো এখন তুলিলে অষ্টেলিয়ান তাৰকা মিছেল মাৰ্শ্বে! তাকে লৈ আৰম্ভ হৈছে সমালোচনা। মাৰ্ছৰ উল্লাসৰ শৈলী কোনেও বুজি পোৱা নাই।
বিশ্বকাপ জয় কৰাৰ পিছত অধিনায়ক কামিন্সে নিজৰ ইনষ্টাগ্ৰাম ষ্ট’ৰীত দলটোৰ উদযাপনৰ কেইবাখনো ছবি পোষ্ট কৰে। তাত এখন ছবিত মাৰ্ছক ট্ৰফীত দুভৰি লৈ হাঁহি হাঁহি বহি থকা দেখা যায়। হাতত বিয়েৰৰ বটল। বাওঁহাতখন মুঠি মাৰি আছে। ভৰিৰ তলত ট্ৰফী!
সাধাৰণতে বিশ্বকাপ জয় কৰাৰ পিছত খেলুৱৈয়ে ট্ৰফীত চুমা খাই থকা দেখা যায়। যি খেলেই নহওক কিয়, ট্ৰফীৰ আবেগ বেলেগ, মৰ্যাদা বেলেগ। ২০২২ চনৰ বিশ্বকাপ জয় কৰাৰ পাছত লিয়নেল মেছিয়ে বুকুত ট্ৰফী লৈ শুইছিল।
মাৰ্ছে সেই ট্ৰফীটোৰ ওপৰত থিয় হৈ দেখুৱাব বিচাৰিছে যে তেওঁলোকৰ বাবে বিশ্বকাপ জয় কৰাটো অতি সহজ। মাৰ্ছৰ কামৰ পিছত ছ’চিয়েল মিডিয়াত আৰম্ভ হ’ল তেওঁৰ সমালোচনা।
মাৰ্ছৰ এনে আচৰণ বা কথা-বতৰা নতুন নহয়। বিশ্বকাপৰ ফাইনেলৰ পূৰ্বেই তেওঁ ভৱিষ্যদ্বাণী কৰিছিল। ফাইনেলত ভাৰতক চেপি ধৰিব বুলিও কৈছিল। প্ৰথমে বেটিং কৰি ৪২০ ৰান কৰিব। ইয়াৰ পিছত ভাৰতে ৬৫ ৰানত বল আউট হ’ব।
Continue Reading
