ডিজিটেল ডেস্কঃ বিকিনি পিন্ধি কাটাৰ প্ৰশাসনৰ ৰোষত পৰিছে এগৰাকী জনপ্ৰিয় মডেল। ক্ৰ’ৱেশ্চিয়াৰ এই মডেলগৰাকীৰ নাম ইভানা নল। ৩০ বৰ্ষীয় ইভানাই বিশ্বকাপত নিজৰ দেশৰ সমৰ্থনত কাটাৰলৈ আহিছে।
উল্লেখ্য যে ইভানাই ‘মিছ ক্ৰ’ৱেশ্চিয়া’ৰ সন্মানো লাভ কৰিবলৈ সক্ষম হৈছিল। এইবাৰ তে্ওঁ ইছলামিক দেশখৰ ৰাজধানী দোহাত মডেলগৰাকীয়ে বিকিনি পিন্ধি ঘূৰা-ফুৰা কৰিছে। ফলস্বৰূপে স্থানীয় প্ৰশাসনৰ ৰঙা চকুৰ বলি হৈছে।
মৰক্কোৰ বিৰুদ্ধে ক্ৰ’ৱেশ্চিয়াৰ মেচখনতো ইভানাক আল-বায়াত ষ্টেডিয়ামত দেখা পোৱা গৈছিল। ক্ৰ’ৱেশ্চিয়াৰ পতাকা অংকন কৰা এবিধ পোচাকত তেওঁৰ বুকুৰ বহুখিনি অংশ দেখা গৈছিল।
মডেলগৰাকীৰ ছৱিসমূহ সামাজিক মাধ্যমত প্ৰকাশ পোৱাৰ পাছতে বিতৰ্কৰ সৃষ্টি হয়। কিন্তু এইবোৰলৈ ভ্ৰুক্ষেপ কৰা নাই তেওঁ। বৰঞ্চ বিকিনি পৰিধান কৰি দোহাৰ সাগৰপাৰত ফুৰিবলৈ যায় তেওঁ।
মডেলগৰাকীৰ অনুৰাগীসকলে আশংকা কৰিছে যে বিকিনি পিন্ধাৰ বাবে তেওঁক কাটাৰ প্ৰশাসনে কাৰাগাৰলৈও প্ৰেৰণ কৰিব পাৰে।
Continue Reading
