ডিজিটেল ডেস্কঃ বিশ্বকাপত ৰবিচন্দ্ৰন অশ্বিনে মাত্ৰ এখন খেল খেলিলে। চেন্নাইত অনুষ্ঠিত বিশ্বকাপৰ প্ৰথমখন খেলত অষ্ট্ৰেলিয়াৰ বিৰুদ্ধে ভাৰতৰ প্ৰথম একাদশত আছিল অশ্বিন। কিন্তু পৰৱৰ্তী ১০খন মেচত তেওঁ আৰু সুযোগ নাপালে। বিশ্বকাপ শেষ হোৱাৰ চাৰিদিন পিছতে ভাৰতীয় স্পিনাৰগৰাকীয়ে সতীৰ্থৰ বাবেই ভাৰতীয় দলত সুযোগ নাপালে বুলি কয়।
এটা ইউটিউব ভিডিঅ’ত অশ্বিনে কয়, “মই কেতিয়াও ভবা নাছিলো যে মোৰ বিশ্বকাপ চেন্নাইত মাত্ৰ এখন মেচতে শেষ হ’ব। মই ভালকৈয়ে বল কৰি আছিলো। কিন্তু তাৰ পিছত খেলিব নোৱাৰাত মই হতাশ অনুভৱ কৰিছো।’’
চলিত বিশ্বকাপৰ আৰম্ভণিতে অশ্বিনক ভাৰতীয় দলত অন্তৰ্ভুক্ত কৰা হোৱা নাছিল। কিন্তু বিশ্বকাপৰ পূৰ্বে এছিয়া কাপৰ সময়ত অক্ষৰ পেটেল আঘাতপ্ৰাপ্ত হৈছিল। ফলত অশ্বিনক বিশ্বকাপৰ আগত লৈ যোৱা হ’ল। অশ্বিনেও ঘৰুৱা ক্ষেত্ৰত প্ৰথমখন মেচ খেলিছিল। কিন্তু তাৰ পিছৰ পৰা তেওঁক লোৱা হোৱা নাছিল।
ফাইনেলত আহমেদাবাদৰ লেহেমীয়া উইকেটত তেওঁক খেলিবলৈ দাবী উত্থাপন হৈছিল। কিন্তু সেই মেচতো তেওঁক লোৱা হোৱা নাছিল। সুযোগ নোপোৱাৰ পিছত তেওঁ কিমান হতাশ হৈছিল সেই কথা প্ৰকাশ কৰে অশ্বিনে।
Continue Reading
