১৪ বছৰীয়া মায়ংক চক্ৰৱৰ্তীয়ে আন্তঃৰাষ্ট্ৰীয় মাষ্টাৰ খিতাপ অৰ্জন কৰে। এই আকাংক্ষিত খিতাপ অৰ্জন কৰা শ্বাহিল দেৰ পিছত তেওঁ অসমৰ দ্বিতীয় খেলুৱৈ। বিশ্ব যুৱ চেম্পিয়নশ্বিপ ২০২৩ চনৰ ১৮ বছৰ অনুৰ্ধৰ দশম ৰাউণ্ডত মাৰ্ক বাকোজোক পৰাস্ত কৰি মায়ংক চক্ৰৱৰ্তীয়ে ইলোৰ

Listen to Article

2 min read

80%

ডিজিটেল ডেস্কঃ ১৪ বছৰীয়া মায়ংক চক্ৰৱৰ্তীয়ে আন্তঃৰাষ্ট্ৰীয় মাষ্টাৰ খিতাপ অৰ্জন কৰে। এই আকাংক্ষিত খিতাপ অৰ্জন কৰা শ্বাহিল দেৰ পিছত তেওঁ অসমৰ দ্বিতীয় খেলুৱৈ। বিশ্ব যুৱ চেম্পিয়নশ্বিপ ২০২৩ চনৰ ১৮ বছৰ অনুৰ্ধৰ দশম ৰাউণ্ডত মাৰ্ক বাকোজোক পৰাস্ত কৰি মায়ংক চক্ৰৱৰ্তীয়ে ইলোৰ ২৪০০ থ্ৰেছহ’ল্ড অতিক্ৰম কৰে।

২০২৩ চনৰ ১ জুনৰ পৰা ৯ জুনলৈ নাগপুৰত অনুষ্ঠিত হোৱা ২য় মহাৰাষ্ট্ৰ জি এম অ’পেন ২০২৩ত মায়ংকৰ প্ৰথম আই এম নৰ্ম আহিছিল। দ্বিতীয়টো আই এম নৰ্ম আহিছিল ১২ জুলাইৰ পৰা ২০ জুলাইলৈ কিৰ্গিস্তানৰ কোৰুমডুৰ ইছিকুল অঞ্চলত অনুষ্ঠিত হোৱা ইছিকুল অ’পেন ২০২৩ত। কাটাৰৰ লুছাইলত ১১ অক্টোবৰৰ পৰা ২১ অক্টোবৰলৈ অনুষ্ঠিত হোৱা কাটাৰ মাষ্টাৰছ ২০২৩ত তেওঁ চূড়ান্ত আই এম নৰ্ম লাভ কৰে। কিন্তু তেওঁৰ ৰেটিংৰ প্ৰয়োজনীয়তা ২৪০০ ইলো সম্পূৰ্ণ কৰিবলৈ অপেক্ষা কৰিবলগীয়া হ’ল। ইটালীৰ মণ্টেচিলভানোত ১৩ নৱেম্বৰৰ পৰা ২৫ নৱেম্বৰলৈ অনুষ্ঠিত হোৱা বিশ্ব যুৱ চেম্পিয়নশ্বিপ ২০২৩ৰ দশম ৰাউণ্ডত মাৰ্ক বাকোজোক পৰাস্ত কৰি তেওঁ ২৪০০ ফিড ৰেটিং পইণ্ট লাভ কৰে।

সদৌ অসম দবা সন্থাৰ সভাপতি কন্দৰ্প কলিতা ডাঙৰীয়া। সদৌ অসম দবা সন্থাৰ সাধাৰণ সম্পাদক ৰাজীব ধৰ ডাঙৰীয়া, গুৱাহাটী দবা সন্থাৰ সভাপতি ড° ছিবেন দত্ত, গুৱাহাটী দবা একাডেমীৰ মুখ্য প্ৰশিক্ষক প্ৰণৱ কুমাৰ নাথ ডাঙৰীয়াই মায়ংকক তেওঁৰ অসাধাৰণ কৃতিত্বৰ বাবে অভিনন্দন জনায়।