ডিজিটেল ডেস্ক:: “Inspite of everything, I still believe that people are really good at heart.”
Anne frank .
এন ফ্ৰাংক নামৰ কিশোৰীগৰাকীৰ ডায়েৰীখনে সমগ্ৰ বিশ্বৰে লাখ লাখ পঢ়ুৱৈক আজিও অনুপ্ৰাণিত কৰি আহিছে৷ এই ডায়েৰীৰ আধাৰত নিৰ্মাণ হৈছে চিনেমা নিৰ্মাণ হৈছে৷ বিশ্বৰ ৮০টা ভাষালৈ অনূদিত কৰা হৈছে গ্ৰন্থখন৷ আজিও বিশ্বজুৰি একেই আছে সমাদৰ৷
‘দ্য ডায়েৰী অব্ এ ইয়ং গাৰ্ল’ প্ৰকাশৰ ৭৫ বছৰ উপলক্ষে গুগলে আজি এটি বিশেষ এনিমেটেদ ভিডিঅ’ৰে সন্মান জনায়৷ গুগলৰ কলা নিৰ্দেশক থ’কা মায়েৰে এই ডুদ’ল ভিডিঅ’টি এনৰ সোঁৱৰণত প্ৰস্তুত কৰে৷
আজিও এন ফ্ৰাংক নামৰ ১৩বছৰীয়া কিশোৰীগৰাকীৰ ডায়েৰীখন সমানেই সমাদৃত৷ ইয়াত নাজী সৈন্যৰ ভয়ত মাটিৰ তলৰ কোঠাত প্ৰায় দুবছৰে আত্মগোপন কৰি থকা এটি ইহুদী পৰিয়ালৰ কৰুণ কাহিনী, এগৰাকী কিশোৰীৰ জীৱনলৈ হঠাতে অহা ধুমুহা আৰু ৰামধেনু, যুদ্ধৰ বিভীষিকা, নাজীসকলৰ নিৰ্বিচাৰ অত্যাচাৰৰ অনেক ঘটনা সন্নিৱিষ্ট হৈ আছে।
অৱশেষত ১৯৪৪ চনৰ ৪ আগষ্ট তাৰিখে নাজী সৈন্যৰ হাতত এনৰ গোটেই পৰিয়ালটো ধৰা পৰিছিল আৰু কেইমাহমান কনচেনট্ৰেচন কেম্পত অবৰ্ণনীয় যন্ত্ৰণাৰে কটোৱাৰ পাছত এন এই পৃথিৱীৰ পৰা হেৰাই গৈছিল মাথোঁ পোন্ধৰটা বসন্ততে৷
Continue Reading
